హైదరాబాద్సిటీ, వెలుగు: మడగాస్కర్కు చెందిన రోగికి సిటీలోని పేస్ హాస్పిటల్ సంక్లిష్టమైన ఏబీవో బ్లెడ్ గ్రూప్ కిడ్నీ మార్పిడిని సక్సెస్గా పూర్తి చేసింది. డయాలసిస్ చేయించుకుంటున్న సైమన్ ఎరిక్ అనే వ్యక్తి దీర్ఘకాలంగా మధుమేహ వ్యాధితో బాధపడడమే కాకుండా గతంలో బ్రెయిన్స్ట్రోక్కు గురయ్యారు. ఫలితంగా రెండు కళ్లకు అంధత్వం ఏర్పడింది. స్థూలకాయంతో పాటు మధుమేహంతో వచ్చే సమస్యలతో కిడ్నీ మార్పిడి చాలా సవాలుగా మారింది. కిడ్నీదాత అయిన ఆయన భార్య (ఓ పాజిటివ్)తో పోలిస్తే డిఫరెంట్ బ్లడ్ గ్రూప్ను కలిగి ఉన్నాడు.
ఈ క్రమంలో ల్యాప్రోస్కోపిక్పద్ధతులను ఉపయోగించి డాక్టర్లు విశ్వంభర్నాథ్, అభిక్ దేవ్ నాథ్, రవిచంద్ర, కిషోర్కుమార్ బృందం ఆపరేషన్ను విజయవంతంగా పూర్తి చేసింది. ఈ సందర్భంగా డాక్టర్ విశ్వంభర్నాథ్ శుక్రవారం మాట్లాడుతూ ఇది చాలా క్లిష్టమైన మార్పిడి ప్రక్రియ అని, డాక్టర్ల అనుభవం, నైపుణ్యం వల్లనే ఇది సక్సెస్ అయ్యిందన్నారు.
