పాత స్టూడెంట్ల బుక్కులతో  క్లాసులు చెబుతున్న ఫ్యాకల్టీ

• 173 పోస్టుల్లో 35 మందే రెగ్యులర్​ స్టాఫ్​
• కెమిస్ట్రీ, కామర్స్​ పోస్టులన్నీ ఖాళీ
• గెస్ట్, కాంట్రాక్ట్‌‌ ​లెక్చరర్లను నియమిస్తలే  ఇప్పటి వరకు పుస్తకాలు రాలే
• పాత స్టూడెంట్ల బుక్కులతో  క్లాసులు చెబుతున్న ఫ్యాకల్టీ

మహబూబ్​నగర్​, వెలుగు : గవర్నమెంట్ జూనియర్​ కాలేజీల్లో రెగ్యులర్​ ఫ్యాకల్టీ కరువయ్యారు.  ప్రభుత్వం ఖాళీ పోస్టులకు సరిపడా స్టాఫ్​ను తీసుకోకపోవడంతో ఇబ్బందులు ఎదురవుతున్నాయి. ఈ యేడు కాలేజీలు స్టార్ట్​ రెండున్నర నెలలు దాటినా కనీసం గెస్ట్, కాంట్రాక్ట్​ లెక్చరర్లను కూడా నియమించడం లేదు. ప్రతి యేడూ ఇదే పరిస్థితి నెలకొంటోంది. టైమ్‌‌‌‌కు  సిలబస్​ పూర్తి కాకపోవడంతో దీని ప్రభావం ఫైనల్‌‌‌‌ ఇయర్‌‌‌‌‌‌‌‌ ఎగ్జామ్స్‌‌‌‌పై పడుతోంది. ఈ కారణంతోనే ఆశించిన స్థాయిలో ఫలితాలు రాలేకపోతున్నాయి. 

సెకండ్‌‌‌‌ ఇయర్‌‌‌‌‌‌‌‌లో 5,524 మంది స్టూడెంట్లు

పాలమూరు జిల్లా కేంద్రంలో బాయ్స్​, గర్ల్స్​కు వేర్వేరుగా, ఎంవీఎస్​, ఒక వొకేషనల్​ కాలేజీ, భూత్పూర్​, అడ్డాకుల, మిడ్జిల్​, బాలానగర్, యన్మన్​గండ్ల, కోయిల్​కొండ, దేవరకద్ర, జడ్చర్లలో రెండు గవర్నమెంట్​ జూనియర్​ కాలేజీలు ఉన్నాయి. ప్రస్తుతం ఈ కాలేజీల్లో సెండర్​ ఇయర్​ స్టూడెంట్లు 4,900‌‌‌‌‌‌‌‌మంది, ఒకేషనల్​లో 624 మంది కలిపి మొత్తం 5,524 మంది చదువుకుంటున్నారు. ఇప్పటి వరకు ఫస్ట్​ ఇయర్​లో దాదాపు మూడు వేల మంది చేరారు. ఇంకా ఎన్​రోల్​మెంట్​ జరుగుతోంది. ఈ 13 కాలేజీలకు సంబంధించి 173 పోస్టులు శాంక్షన్‌‌‌‌ ఉండగా, ఇందులో కేవలం 35 మందే రెగ్యులర్​ స్టాఫ్​ ఉన్నారు. సబ్జెక్టుల వారీగా ఇంగ్లీష్​లో 24 పోస్టులు ఉండగా ఇద్దరు, తెలుగు 18 పోస్టులకు ఐదుగురు, హిందీ 12 పోస్టులకు ఆరుగురు, మ్యాథ్స్​ 14 మందిలో ఆరుగురు. ఫిజిక్స్​లో 16 మందిలో ముగ్గురు, బొటనీలో 14 పోస్టులకు ఇద్దరు, జువాలజీ 14 పోస్టులకు ఇద్దరు, ఫిజిక్స్​లో 12లో ముగ్గురు, ఎకనామిక్స్​ 14 పోస్టులకు నలుగురు, హిస్టరీ ఎనిమిది పోస్టులకు ఇద్దరే ఉన్నారు. కెమిస్ట్రీ15 పోస్టులు,  కామర్స్​ 12 పోస్టులకు ఒక్కరు కూడా రెగ్యులర్​ స్టాఫ్​ లేరు. ఒకేషనల్​ కాలేజీలో కూడా ఇద్దరే రెగ్యులర్ స్టాఫ్​ ఉన్నారు.  

కాంట్రాక్ట్​, గెస్ట్​ ఫ్యాకల్టీతోనే క్లాసులు

జిల్లాలో 138 రెగ్యులర్​ లెక్చరర్ల పోస్టులు ఖాళీగా ఉన్నాయి. దీంతో సర్కారు కాంట్రాక్ట్​, గెస్ట్​ లెక్చరర్లతోనే స్టూడెంట్లకు క్లాసులు చెప్పిస్తున్నారు. ప్రస్తుతం 13 కాలేజీల్లో 122 మంది కాంట్రాక్ట్, గెస్ట్​ ఫ్యాకల్టీ ఉన్నారు. వీరిలో గెస్ట్​ ఫ్యాకల్టీని ఈ ఏడాది ఇంకా నియమించలేదు. ఇటీవల గెస్ట్​ ఫ్యాకల్టీని తీసుకోవాలని ప్రభుత్వం ఆర్డర్స్​ ఇచ్చినా ఇంకా ప్రక్రియ పూర్తి కాలేదు. ఇప్పటి వరకు ఫైనాన్స్​ అప్రూవల్ మాత్రమే అయ్యింది. కానీ, కమిషనర్​ నుంచి ఆర్డర్స్ రావాల్సి ఉంది. అది కూడా పాత వారిని కంటిన్యూ చేయాలా? లేక కొత్త వారిని తీసుకోవాలా? అనే విషయంపై  క్లారిటీ ఇవ్వలేదు.

అకడమిక్​ బుక్కులు ఇంకా రాలె

ఈ ఏడాది జూన్​ 15 నుంచి గవర్నమెంట్​ జూనియర్​ కాలేజీలను స్టార్ట్​ చేశారు. ప్రతి ఏటా కాలేజ్​ వైజ్​గా ఇండెంట్​ ప్రకారం  హైదరాబాద్​ నుంచి నేరుగా పుస్తకాలు వచ్చేవి. ఏటా జూలై మొదటి వారంలో వీటి పంపిణీ జరిగేది. కానీ ఈ ఏడాది సెప్టెంబరు వచ్చినా ఇంత వరకు పుస్తకాలు సప్లై చేయలేదు. దీంతో స్టూడెంట్లకు క్లాసులు చెప్పేందుకు ఫ్యాకల్టీ ఇబ్బందులు పడుతున్నారు. గత అకడమిక్​ ఇయర్‌‌‌‌‌‌‌‌లో ఇంటర్​ పూర్తి చేసుకున్న స్టూడెంట్ల పుస్తకాలు తీసుకొని స్టూడెంట్లకు క్లాసులు చెబుతున్నారు.  స్టూడెంట్లు క్లాసులు వింటున్నా రివిజన్‌‌‌‌ చేసుకునే వీలులేక ఇబ్బందులు పడుతున్నారు. కొందరు ఓల్డ్‌‌‌‌ స్టూడెంట్స్ నుంచి తీసుకుంటుండగా.. ఇకొందరు అందుబాటులో ఉన్న స్టోర్ల నుంచి సెకండ్​ హ్యాండ్​ బుక్స్​ కొంటున్నారు.  కాగా, ప్రస్తుతం రెండు, మూడు సబ్జెక్టులకు సంబంధించిన సిలబర్​ మారింది.  వాటి క్లాసులు ఇంత వరకు స్టార్ట్​ చేయలేదని తెలిసింది.