క్రైమ్ సస్పెన్స్ థ్రిల్లర్స్ ఇష్టపడే వాళ్లకి..ఇప్పుడు చెప్పేబోయే సినిమా కిక్ ఇస్తోంది. సాధారణంగా ఓటీటీలో రిలీజయ్యే మలయాళ సినిమాలు ఆడియన్స్ ను కట్టిపడేస్తున్నాయి. ఫాహాద్ ఫాజిల్ (FahadhFaasil) హీరోగా న‌టించిన మ‌ల‌యాళం మిస్ట‌రీ థ్రిల్ల‌ర్ మూవీ ఇరుల్(Irul).
ఈ థ్రిల్ల‌ర్ మూవీలో మంజుమ్మ‌ల్ బాయ్స్ ఫేమ్ సౌబీన్ షాహిర్ విల‌న్‌గా న‌టించాడు. న‌సీఫ్‌యూసుఫ్ ఇజుద్దీన్ దర్శకత్వంలో ఈ మూవీ కొవిడ్ కార‌ణంగా మ‌ల‌యాళంలో 2021లో డైరెక్ట్‌గా నెట్‌ఫ్లిక్స్‌ ఓటీటీలోనే రిలీజైంది. ఇప్పుడు మరోసారి ప్రేక్షకులకు థ్రిల్ ఇవ్వడానికి ఆహా 'ఇరుల్'ను స్ట్రీమింగ్ చేయబోతుంది.రేపు సెప్టెంబర్ 6 శుక్రవారం నుంచి ఆహా తమిళ్ ఓటీటీలో ఇరుల్ మూవీ స్ట్రీమింగ్ కాబోతోంది.
అయితే, తెలుగు ప్రేక్షకుల కోసం ఇదే నెల‌లో ఇరుల్ మూవీ ఓటీటీ స్ట్రీమింగ్ చేయబోతున్నట్లు స‌మాచారం. ఫ‌హాద్ ఫాజిల్‌కు జోడీగా ద‌ర్శ‌నా రాజేంద్రన్ న‌టించింది.
Irul-in pidiyil irunthu meeluvaargala? 🫣😱#Irul premieres from September 6 #ahatamil #FahadhFaasil #DarshanaRajendran #soubinshahir pic.twitter.com/k9fGs8HzfD
— aha Tamil (@ahatamil) September 3, 2024
కథ విషయానికి వస్తే..
అలెక్స్ (సౌబీన్ షాహిర్) ఓ రైట‌ర్‌. త‌న ప్రియురాలు అర్చ‌న‌తో (ద‌ర్శ‌నా రాజేంద్రన్) క‌లిసి కారులో ట్రిప్‌కు బ‌య‌లుదేరుతాడు. ఓ అట‌వీ ప్రాంతంలో వారి కారు ఆగిపోతుంది. షెల్ట‌ర్ కోసం ద‌గ్గ‌ర‌లోని ఓ ఇంట్లోకి వెళ‌తారు. ఆ ఇంటి ఓన‌ర్ ఉన్ని (ఫ‌హాద్ ఫాజిల్) వారికి ఆశ్ర‌యం ఇస్తాడు.
నిజంగా అక్కడ ఉన్న ఉన్ని ఆ ఇంటి ఓన‌రేనా? లేదా సీరియల్ కిల్లర్ హా? అలంటి ఆపదలో ఉన్నఅలెక్స్‌, అర్చ‌న ఎలా గడిపారు? ఆ ఇంటి నుంచి ప్రేమజంట ప్రాణాల‌తో బ‌య‌ట‌ప‌డ్డారా? వారు ఓ సీరియల్ కిల్లర్ బారిన ఎలా పడ్డారు? అక్కడి నుంచి బ‌య‌ట‌ప‌డేందుకు ఏ విధమైన ప్రయత్నాలు చేశారనేది ఈ మూవీ కథ.
