హనుమకొండ, వెలుగు: ఫేక్ డాక్యుమెంట్లు, ఫోర్జరీ సంతకాలతో కోర్టులను మోసం చేస్తున్న ఉమ్మడి వరంగల్ జిల్లాకు చెందిన ముగ్గురిని వరంగల్ టాస్క్ఫోర్స్, పర్వతగిరి పోలీసులు అరెస్ట్ చేశారు. ఈస్ట్జోన్ డీసీపీ కరుణాకర్సోమవారం కమిషనరేట్లో ప్రెస్మీట్పెట్టి వివరాలు వెల్లడించారు. హనుమకొండ జిల్లా ఐనవోలు మండలం పంతినికి చెందిన ఉడుతల రవీందర్కేబుల్ టీవీ ఆపరేటర్. ఈ క్రమంలో కోర్టులో బెయిల్ ఇచ్చేందుకు అవసరమైన డాక్యుమెంట్లు, పూచీకత్తు సంతకాల కోసం సంగెం మండలంలోని సోమ్లాతండా, పర్వతగిరి మండలంలోని మూడెత్తుల తండా, ఏనుగల్, చౌటపల్లి తదితర గ్రామాల్లో కొంతమందిని సంప్రదించాడు. బెయిల్ ష్యూరిటీకి సంతకాలు పెడితే కమీషన్ఇస్తానని చెప్పాడు. సోమ్లా తండాకు చెందిన బానోత్వెంకన్న, బానోత్నరసింహ అనే అన్నదమ్ములతో కలిసి దందా స్టార్ట్చేశాడు. వరంగల్, హనుమకొండ గ్రామాలకు సంబంధించిన పంచాయితీరాజ్ డిపార్ట్మెంట్తో పాటు గ్రామ పంచాయతీ కార్యదర్శుల రబ్బర్ స్టాంపులను హైదరాబాద్లో రెడీ చేయించుకున్నాడు. వాటితో బెయిల్ కోసం పూచీకత్తు ఇస్తున్న వ్యక్తుల పేర్ల మీద సంబంధిత గ్రామ పంచాయతీ కార్యదర్శి జారీ చేసినట్టుగా, ఇంటి విలువ, ఇంటి పన్నుకు సంబంధించిన ఫేక్డాక్యుమెంట్లను సృష్టించేవాడు.
48 మందికిపైగా ష్యూరిటీ
ఇప్పటి వరకు బానోత్ వెంకన్న, బానోత్ నరసింహతో ఎక్కువ కేసుల్లో ష్యూరిటీ ఇప్పించాడు. వారితోపాటు సోమ్లాతండా, మూడెత్తుల తండా, ఏనుగల్, చౌటపల్లికి చెందిన మరో 50 మందితో సంతకాలు పెట్టించి వివిధ కేసుల్లోని నిందితులకు బెయిల్ఇప్పించాడు. ఇప్పటివరకు ఉమ్మడి వరంగల్జిల్లాలోని 29 కోర్టుల్లో 48 మందికి చెందిన 691 కేసుల్లో ష్యూరిటీ ఇప్పించాడు. అయితే సోమవారం ఉదయం టాస్క్ ఫోర్స్, పర్వతగిరి పోలీసులు ఏనుగల్ లో తనిఖీ చేస్తుండగా తన వెహికల్లో రవీందర్ అటుగా వచ్చాడు. చెక్చేయగా గ్రామ పంచాయతీ కార్యదర్శి, పంచాయతీరాజ్ విభాగానికి సంబంధించి రౌండ్ షీల్డ్ రబ్బర్ స్టాంపులు, ఇంటి విలువ, ఇంటి పన్ను రశీదులు కనిపించాయి. రవీందర్ప్రవర్తన అనుమానాస్పదంగా కనిపించడంతో అదుపులోకి తీసుకుని విచారించగా.. అసలు విషయం బయటపడింది. రవీందర్సమాచారంతో వెంకన్న, నరసింహను అరెస్ట్ చేశారు. వారి నుంచి 4 పంచాయతీ కార్యదర్శి రబ్బర్ స్టాంపులు, రెండు గ్రామ సచివాలయం స్టాంపులు, నకిలీ ఇంటి పన్ను రశీదులు, ఇంటి విలువ డాక్యుమెంట్లు, ఆధార్ కార్డులు, పాస్పోర్ట్సైజు ఫొటోలు, మూడు సెల్‌‌ఫోన్లు, బైక్, రూ.3 వేల నగదు స్వాధీనం చేసుకున్నారు. ఇప్పటికే వీరిపై పర్వతగిరి పీఎస్ లో 4 కేసులు నమోదు అయినట్లు పోలీసులు గుర్తించారు. నిందితులను పట్టుకోవడంలో ప్రతిభ కనబరిచిన టాస్క్ఫోర్స్ఏసీపీ ఎం.జితేందర్ రెడ్డి, సీఐ కొమ్మూరి శ్రీనివాసరావు, పర్వతగిరి ఎస్సై దేవేందర్, టాస్క్ఫోర్స్ ఎస్సై లవణ్ కుమార్ ఇతర సిబ్బందిని డీసీపీ అభినందించారు.
