- రాష్ట్ర మెడికల్ కౌన్సిల్ రిజిస్ట్రార్ఫిర్యాదుతో నకిలీ డాక్టర్ అరెస్టు
- డిగ్రీ కూడా పూర్తిచేయలేదని గుర్తించిన పోలీసులు
కామారెడ్డి, వెలుగు : డిగ్రీ ఫెయిలైన ఓ వ్యక్తి ఎండీ డాక్టర్గా అవతారమెత్తాడు. కామారెడ్డి జిల్లాలో రెండేండ్లుగా డాక్టర్గా చలామణి అవుతున్న ఆ వ్యక్తిని తెలంగాణ మెడికల్కౌన్సిల్ రిజిస్ట్రార్ఫిర్యాదుతో కామారెడ్డి జిల్లా పోలీసులు అరెస్టు చేశారు. గురువారం టౌన్ పోలీస్ స్టేషన్లో ఏఎస్పీ బి.చైతన్యరెడ్డి మీడియాకు వివరాలు వెల్లడించారు. మంచిర్యాల జిల్లా మందమర్రి మండలం రామకృష్ణాపూర్కు చెందిన ముల్కల రవీందర్.. ఎల్.రవీందర్రెడ్డిగా చలామణి అవుతున్నాడు. తాను ఎంబీబీఎస్, ఎండీ జనరల్మెడిసిన్, పీడియాట్రీషియన్చదివినినట్లు నకిలీ సర్టిఫికెట్లు సృష్టించుకొని డాక్టర్గా హాస్పిటల్స్లో పని చేస్తున్నాడు.
కానీ టెన్త్, ఇంటర్రెండోసారికి పాసైన రవీందర్ డిగ్రీ కూడా పూర్తి చేయలేదు. ఇంటర్తర్వాత డిగ్రీలో చేరిన అతడు.. కుటుంబ సభ్యులకు మాత్రం తాను ఎంబీబీఎస్ చదువుతున్నట్లు చెప్పాడు. సికింద్రాబాద్లోని గాంధీ హాస్పిటల్కు అప్పుడప్పుడు వెళ్లేవాడు. మందమర్రిలో తనకు తెలిసిన ఓఆర్ఎంపీ వద్దకు వెళ్లి ట్రీట్మెంట్ఎలా చేస్తారనేది గమనించేవాడు. ఆ తర్వాత కొన్నాళ్లకు ఆన్లైన్లో తెలంగాణ మెడికల్ కౌన్సిల్ఇచ్చే సర్టిఫికెట్లను పరిశీలించాడు. వాటిల్లో తన పేరుకు దగ్గరగా ఉన్న డాక్టర్రవీందర్రెడ్డికి సంబంధించిన డాక్టర్సర్టిఫికెట్లను డౌన్లోడ్ చేసుకున్నాడు. ఫొటో షాప్లో ఎడిట్చేసి తన ఫొటో పెట్టుకున్నాడు.
దీనికి తగ్గట్లుగానే ఆధార్ కార్డులో కూడా తన పేరు రవీందర్రెడ్డి, తండ్రి బాల్రెడ్డిగా పేరు మార్చుకున్నాడు. కన్సల్టెంట్ద్వారా కామారెడ్డి గోదాం రోడ్డులోని స్టార్హాస్పిటల్లో ఎండీ డాక్టర్గా చేరాడు. ఇక్కడ 2023 మార్చి నుంచి జూలై వరకు పనిచేశాడు. 2 ఆగస్టు నుంచి 2024 జనవరి వరకు కామారెడ్డిలోని ఆరోగ్య హాస్పిటల్లో, 2024 ఫిబ్రవరి నుంచి జూలై వరకు లింగంపేట మండల కేంద్రంలోని భీంరాజు హాస్పిటల్లో పనిచేశాడు. ఆగస్టు నుంచి మళ్లీ స్టార్హాస్పిటల్లో చేరి పనిచేశాడు. ఆ తర్వాత ఖానాపూర్లోని షణ్ముక హాస్పిటల్లో పీడియాట్రీషియన్ గా పని చేసేందుకు ఈ నెల 6న రూ.2 లక్షలు అడ్వాన్స్తీసుకున్నారు.
తెలంగాణ మెడికల్ కౌన్సిల్రిజిస్ట్రార్డాక్టర్ బందెం లాలయ్య కుమార్ బుధవారం స్టార్హాస్పిటల్లో తనిఖీ చేశారు. ఇక్కడ పని చేసే రవీందర్రెడ్డి అసలు డాక్టర్కాదని గుర్తించారు. ఫేక్ సర్టిఫికెట్లతో డాక్టర్గా చలామణి అవుతున్నారని గుర్తించి టౌన్పోలీస్ స్టేషన్లో ఫిర్యాదు చేశారు. కేసు నమోదు చేసి నకిలీ డాక్టర్గురించి ఆరా తీయగా అప్పటికే అతను హాస్పిటల్వదిలి వెళ్లిపోయినట్లు గుర్తించారు.
టౌన్సీఐ చంద్రశేఖర్రెడ్డి ఆధ్వర్యంలో వెతికి ఇతడిని గురువారం అరెస్టు చేశారు. ఫేక్ఆధార్కార్డు, ఫేక్ సర్టిఫికెట్లు,సెల్ఫోన్, ల్యాప్ట్యాప్ను స్వాధీనం చేసుకున్నట్లు ఏఎస్పీ పేర్కొన్నారు. ఎంక్వైరీ చేస్తున్నామని, హాస్పిటల్స్లో ట్రీట్మెంట్తీసుకున్న రోగుల గురించి ఆరా తీస్తున్నారు. సమావేశంలో టౌన్సీఐ చంద్రశేఖర్రెడ్డి, ఎస్సైలు, సిబ్బంది పాల్గొన్నారు.
