టీమిండియా స్టార్ బ్యాటర్ విరాట్ కోహ్లీ అంతర్జాతీయ క్రికెట్ లో ఎన్నో రికార్డులు తన పేరిట లిఖించుకున్నాడు. ముఖ్యంగా పరిమిత ఓవర్ల క్రికెట్ లో దాదాపు సగం రికార్డులు విరాట్ తన ఖాతాలో వేసుకున్నాడు. సచిన్ రికార్డ్స్ ఒకొక్కటిగా బ్రేక్ చేస్తూ ఆల్ టైం బెస్ట్ బ్యాటర్ గా ముందకెళ్తున్నాడు. అయితే సమీప భవిష్యత్తులో కోహ్లీ రికార్డ్స్ బ్రేక్ చేయడం బాబర్ అజామ్ కే సాధ్యమని ఇప్పటికీ చాలామంది క్రికెట్ ఫ్యాన్స్, ఎక్స్ పర్ట్స్ భావిస్తున్నారు. ఇక పాకిస్థాన్ లో అయితే ఏకంగా కోహ్లీ కంటే బాబర్ అజామ్ బెస్ట్ అని వాదిస్తారు. తాజాగా పాకిస్థాన్ ఓపెనర్ ఫకర్ జమాన్.. కోహ్లీ, బాబర్ ను పోలుస్తూ కీలక వ్యాఖ్యలు చేశాడు.
"నా దృష్టిలో కోహ్లీ కంటే బాబర్ అజామ్ బెస్ట్ బ్యాటర్. బాబర్ కే నేను ఎక్కువ మార్కులు వేస్తాను. కోహ్లీతో పోలిస్తే బాబర్ దగ్గర చాలా షాట్స్ ఉన్నాయి". అని పోడ్ కాస్ట్ లో ఫకర్ జమాన్ అన్నాడు. ప్రస్తుతం బాబర్ పేలవ ఫామ్ లో కొనసాగుతున్నాడు. మూడు ఫార్మాట్ లలో పెద్దగా రాణించడం లేదు. ఇటీవలే సొంతగడ్డపై వెస్టిండీస్ తో ముగిసిన టెస్ట్ సిరీస్ లో ఘోరంగా విఫలమయ్యాడు. ఇప్పటివరకు బాబర్ అజామ్ పాకిస్థాన్ తరపున 59 టెస్టుల్లో 42 యావరేజ్ తో 4235 పరుగులు చేశాడు. 123 వన్డేల్లో 56 యావరేజ్ తో 5957 పరుగులు.. 128 టీ20ల్లో 39 యావరేజ్ తో 4223 పరుగులు చేశాడు.
Also Read :- సౌతాఫ్రికా టీ20 లీగ్‌లో దినేష్ కార్తీక్ కీలక హాఫ్ సెంచరీ
30 సంవత్సరాల బాబర్.. కోహ్లీ రికార్డ్స్ చేయడం దాదాపుగా ఆసాధ్యంగానే కనిపిస్తుంది. కానీ పాకిస్థాన్ ఓపెనర్ ఫకర్ జమాన్ మాత్రం తమ ఆటగాడికి మద్దతు పలకడం ఆశ్చర్యానికి గురి చేస్తుంది. ఫకర్ కు బాబర్ పై ప్రత్యేక అభిమానం ఉన్నట్టు అర్ధమవుతుంది. గత ఏడాది బాబర్ ను టెస్ట్ జట్టు నుంచి తప్పించినప్పుడు పాకిస్థాన్ క్రికెట్ బోర్డుపై బహిరంగంగానే విమర్శించాడు. ఇందుకు గాను అతనికి పీసీబీ షోకాజ్ నోటీసులు పంపించింది. ప్రస్తుతం పాకిస్థాన్ జట్టులో స్థానం కోల్పోయిన ఈ పాక్ ఓపెనర్ ఛాంపియన్స్ ట్రోఫీ స్క్వాడ్ ను సెలక్ట్ అవుతాడని సమాచారం.
