2024 సంవత్సరానికిగాను ప్రముఖ జపాన్ యానిమేటర్ హయావో మియాజాకీని రామన్ మెగసెసె అవార్డు వరించింది. ఆయనతోపాటు వియత్నాం డాక్టర్ న్గుయెన్, మాజీ బౌద్ధ సన్యాసికర్మ ఫుంట్షొ, ఇండోనేషియాకు చెందిన ఫర్విజీ ఫర్హాన్కు, థాయ్లాండ్కు చెందిన రూరల్ డాక్టర్స్ మూమెంట్ సంస్థకు ఈ పురస్కారం దక్కింది. నవంబర్లో జరిగే కార్యక్రమంలో అవార్డులను ప్రదానం చేయనున్నారు.
ఫిలిప్పీన్స్ దివంగత అధ్యక్షుడు రామన్ మెగసెసె స్మారకార్థం ఈ అవార్డును 1957, ఏప్రిల్లో ఏర్పాటు చేశారు. ఈ అవార్డును ఆసియన్ నోబెల్ ప్రైజ్గా భావిస్తారు. 1958 నుంచి 2008 వరకు ఆరు విభాగాల్లో రామన్ మెగసెసె అవార్డును అందజేశారు. 2009 నుంచి ఆరు విభాగాల్లో అవార్డులను ప్రదానం చేసే పద్ధతిని రామన్ మెగసెసె అవార్డు ఫౌండేషన్ విరమించుకున్నది.
