ఐపీఎల్ ఫ్రాంచైజీల్లోనే అత్యధిక ఫ్యాన్ ఫాలోయింగ్ కలిగిన రాయల్ చాలెంజర్స్ బెంగళూరు(ఆర్సీబీ)కు టైటిల్ అనేది అందని ద్రాక్ష. ప్రతి సీజన్ ప్రారంభం ముందు ఈసాలా కప్ నామ్‌దే అంటూ(ఈసారి కప్ తమదే..) అంటూ ఆ జట్టు అభిమానులు హంగామా చేయడం తప్ప వారు సాధించింది ఏం లేదు. ఆటగాళ్లను మారుస్తున్నా. కెప్టెన్లను మారుస్తున్నా.. ఆ జట్టు రాత మాత్రం మారడం లేదు. కోహ్లీకి ఉన్న క్రేజ్ కారణంగా ఆర్సీబీకి విపరీతమైన ఫాలోయింగ్ ఉంది. ఫ్యాన్స్ ఆ జట్టు ఎప్పుడు టైటిల్ గెలుస్తుందా అని వెయ్యి కళ్ళతో ఎదురు చూస్తున్నారు.
ఈ క్రమంలో ఒక ఫ్యాన్ బెంగళూరు జట్టు మీదున్న అభిమానాన్ని చాటుకున్నాడు. ఉత్తరప్రదేశ్‌లోని ప్రయాగ్‌రాజ్‌లోని త్రివేణి సంగమం వద్ద ప్రసిద్ధ మహా కుంభమేళా పండుగ జరుగుతుంది. లక్షలాది మంది ప్రజలు ఆశీర్వాదాలు తీసుకోవాలనే ఉద్దేశ్యంతో పవిత్ర స్థలాన్ని సందర్శించారు. ఈ కుంభమేళాలో ఒక ఆసక్తికర సంఘటన జరిగింది. ఆర్సీబీ వీరాభిమాని త్రిబేని సంగం వద్ద గంగా నది పవిత్ర జలంలో తన RCB జెర్సీని ముంచిన వీడియో సోషల్ మీడియాలో తెగ వైరల్ అవుతుంది. ఈ సారైనా తమ జట్టుకు టైటిల్ రావాలని ఆ అభిమాని చేసిన పనికి ఆర్సీబీ ఫాన్స్ ఫిదా అవుతున్నారు.
అభిమానులను సోషల్ మీడియాలో ఈ వీడియో బాగా ఆకట్టుకుంటుంది. చాలా మంది ఈ వీడియోను ఇష్టపడ్డారు. ఇండియాలో క్రికెట్ పై ఎంత అభిమానం ఉందో ఈ వీడియో నిరూపించిందని నెటిజన్స్ అభిప్రాయపడుతున్నారు. రాయల్ ఛాలెంజర్స్ బెంగళూరు ఇప్పటివరకు మూడు సార్లు ఫైనల్ కు చేరుకున్నా నిరాశే మిగిలింది. 2009, 2011, 2016లో ఫైనల్ చేరిన ఆ జట్టు తృటిలో టైటిల్ చేజార్చుకుంది. పోనీ ఈ ఏడాదైనా ఆ కరువు తీరేనా..! అంటే అదీ అనుమానమే. ఈ ఏడాది మెగా ఆక్షన్ లో జెడ్డా వేదికగా జరిగిన ఐపీఎల్ వేలంలో ఆ జట్టు పెద్దగా స్టార్ ఆటగాళ్లను కొనుగోలు చేయలేదు.
'ई साला कप नामदे'...
— News1India (@News1IndiaTweet) January 21, 2025
महाकुंभ 2025 के दौरान फैन ने RCB की जर्सी की लगाई डुबकी
IPL ट्रॉफी जीत की मांगी दुआ,देखें वीडियो
#RCB #RoyalChallengersBengaluru #MahaKumbhMela2025 #MahaKumbh2025 #RCBBoldArmy #PlayBold @RCBTweets @imVkohli @TeamVirat @RcbianOfficial @MahaaKumbh pic.twitter.com/cyePGPUrf7
