ఏ క్రీడలోనైనా బాగా రాణించిన ఆటగాళ్లను Greatest of All Time(G.O.A.T.) అంటూ పొగడటం మనం చూస్తూనే ఉంటాం. క్రికెట్ లో అయితే విప్ రిచర్డ్స్.. G.O.A.T. అని కొందరు, సచిన్ టెండూల్కర్ అని మరికొందరు తమ అభిప్రాయాన్ని వెల్లడిస్తుంటారు. వీరిని పక్కనపెడితే, ఇటీవల కాలంలో కొందరు అభిమానులు.. విరాట్ కోహ్లీ, ఏబీ డివిలియర్స్‌, రోహిత్ శర్మలను కూడా G.O.A.T. అని పొగడటం మొదలుపెట్టారు.
ఇలా పొగడటం బాగానే ఉన్నా.. వారి అభిమానులకు మాత్రం అది రుచించటం లేదు. మా కోహ్లీ గొప్పంటూ ఒకరు.. మా రోహిత్ గొప్పంటూ మరొకరు తగువులాడుతున్నారు. ఇదిలావుంటే, ఓ నెటిజెన్.. సోషల్ మీడియాలో పెట్టిన పోస్ట్ అభిమానుల మధ్య అగ్గి రాజేసింది.
GOAT అంటే తెలుగులో మేక కదా! అందుకే ఆ అర్థం వచ్చేలా ఓ నెటిజెన్.. కోహ్లీ, డివిలియర్స్‌ల చిన్ననాటి ఫోటోలంటూ రెండు మేకపిల్లలను పోస్ట్ చేశాడు. చూడడానికి మేక పిల్లలు ముద్దుగా ఉన్నా.. కోహ్లీ, డివిలియర్స్‌లను వాటితో పోల్చటం ఆర్‌సీబీ అభిమానులకు రుచించటం లేదు. ఈ పని టీమిండియా కెప్టెన్ రోహిత్ శర్మ అభిమానులే చేసి ఉంటారని వారిపై విరుచుకు పడుతున్నారు.
Childhood pic of Ab de Villiers and Virat Kohli pic.twitter.com/4Af2CKPkcn
— Kevin (@imkevin149) August 19, 2023
మరో నెటిజెన్.. రోహిత్ శర్మను బుల్లి ఏనుగుతో పోలుస్తూ ట్వీట్ చేశాడు. అంటే.. హిట్‌మ్యాన్ కాస్తబొద్దుగా ఉంటాడనే అర్థం వచ్చేలా ఆ పోస్ట్ పెట్టాడు. ఇలా క్రికెటర్ల అభిమానుల మధ్య సోషల్ మీడియాలో వార్ జరుగుతోంది.
Rohit childhood pic pic.twitter.com/WRdlADwA15
— Maxi (@HITW1CKET) August 19, 2023
