రంజీ ట్రోఫీలో కోహ్లీ ఔట్ ను అభిమానులు జీర్ణించుకోలేకపోతున్నారు. ఎన్నో ఆశలు.. ఎన్నో అంచనాల మధ్య ఫ్యాన్స్ ను కోహ్లీ తీవ్రంగా నిరాశపరిచాడు. కేవలం ఆరు పరుగులకే ఔటయ్యాడు. ఫ్యాన్స్ ను ఒక అరగంటైనా స్టేడియంలో ఉంచలేకపోయాడు. డ్రైవ్ చేస్తూ ఒక లూజ్ షాట్ కు ఔటవ్వడం అభిమానులను బాగా హర్ట్ చేస్తుంది. హిమాన్షు సాంగ్వాన్ వేసిన ఒక అద్భుత ఇన్ స్విన్గర్ ని డ్రైవ్ చేసే క్రమంలో కోహ్లీ క్లీన్ బౌల్డయ్యాడు. అతను ఔటై పెవిలియన్ కు వెళ్తున్నప్పుడు ఫ్యాన్స్ కూడా చిన్నగా గ్రౌండ్ వదిలి వెళ్లిపోతూ కనిపించారు. కోహ్లీ ఔట్ కావడంతో స్టాండ్స్ మొత్తం ఖాళీగా కనిపించాయి.
పేలవ ఫామ్ తో రంజీ ట్రోఫీ ఆడుతున్న కోహ్లీ కనీసం ఇక్కడ కూడా రాణించలేకపోతున్నాడు. రెండో రోజు యష్ ధుల్ ఔటైన తర్వాత నాలుగో స్థానంలో బరిలోకి దిగిన కోహ్లీ.. ఒక ఫోర్ కొట్టి అభిమానులను ఉర్రుతలూగించాడు. కోహ్లీ బ్యాటింగ్ దిగడంతో గ్రౌండ్ లో హంగామా చేసిన ఫ్యాన్స్.. ఫోర్ కొట్టడంతో గ్రౌండ్ అంతా మారుమ్రోగిపోయింది. కోహ్లీ బ్యాటింగ్ దిగే సమయంలో జియో సినిమా వ్యూయర్ షిప్ ఏకంగా కోటికి చేరడం విశేషం. ఇక ఈ మ్యాచ్ లో కోహ్లీ బరిలోకి దిగడంతో 27 వేల మంది ప్రేక్షకులు హాజరవ్వడం విశేషం.
ALSO READ : Ranji Trophy 2024-25: విరాట్‌కు దిమ్మ తిరిగింది: రంజీల్లోనూ సింగిల్ డిజిట్‌కే కోహ్లీ ఔట్
గురువారం (జనవరి 30) సూరజ్ అహుజా రైల్వేస్‌తో ప్రారంభమైన మ్యాచ్ ద్వారా 12 ఏళ్ళ తర్వాత విరాట్ రంజీ ట్రోఫీలో బరిలోకి దిగడంతో అతని క్రేజ్ ఆకాశాన్ని దాటేసింది. ఉదయం నాలుగు గంటల నుంచే ఫ్యాన్స్ స్టేడియంలోకి రావడానికి క్యూ కట్టారు. తొలి రోజు కోహ్లీ బ్యాటింగ్ రాకపోవడంతో తీవ్ర నిరాశకు గురయ్యారు. ఆశ్చర్యకరంగా ఫ్యాన్స్ తొలి రోజు ఆటలో భాగంగా కోహ్లీ బౌలింగ్ వేయాలని నినాదాలు చేశారు. దీంతో కోహ్లీతో పాటు కామెంట్రీ వారు కూడా షాకయ్యారు.
The crowds leaving from Arun Jaitley stadium when Virat Kohli got out. (Vipul Kashyap).pic.twitter.com/VlsgS8sGoa
— Tanuj Singh (@ImTanujSingh) January 31, 2025
