- జనగామ జిల్లా కట్కూరులో ఘటన
బచ్చన్నపేట,వెలుగు : ట్రాక్టర్ కిందపడి రైతు చనిపోయిన ఘటన జనగామ జిల్లాలో జరిగింది. గ్రామస్తులు తెలిపిన వివరాలు ఇలా ఉన్నాయి. బచ్చన్నపేట మండలం కట్కూరు గ్రామానికి చెందిన రైతు మ్యాక లింగం(35) ఆదివారం సాయంత్రం ట్రాక్టర్తో తన పొలం దున్నుతున్నాడు. వరంపై నుంచి దిగుతుండగా ప్రమాదవశాత్తూ జారి ట్రాక్టర్ కిందపడ్డాడు.
దీంతో అతనిపై నుంచి కేజ్వీల్వెళ్లడంతో అక్కడిక్కడే మృతి చెందాడు. మృతుడికి భార్య, ఇద్దరు కూతుళ్లు, కొడుకు ఉన్నారు. బచ్చన్నపేట పోలీసులు డెడ్ బాడీని స్వాధీనం చేసుకుని పోస్టుమార్టం కోసం జనగామ ఏరియా ఆస్పత్రికి తరలించి కేసు నమోదు చేసి దర్యాప్తు చేస్తున్నారు.
