కామారెడ్డి, వెలుగు: కామారెడ్డి జిల్లా వ్యాప్తంగా ఎండల తీవ్రత పెరిగి ఉష్ణోగ్రతలు అధికంగా నమోదవుతున్నాయి. కోళ్లను కాపాడుకునేందుకు జిల్లాకు చెందిన ఓ రైతు కోళ్ల ఫారం షెడ్డుపై స్ప్రింక్లర్లు ఏర్పాటు చేశారు. గాంధారి మండలం గుర్జాల్తండాకు చెందిన సరిచంద్‌‌‌‌కు 10 వేల కోళ్ల కెఫాసిటీకి ఉన్న రెండు ఫారాలు ఉన్నాయి.
ఎండల తీవ్రత పెరుగుతున్న దృష్ట్యా రెండు షెడ్లపై స్ప్రింక్లర్లు ఏర్పాటు చేశారు. స్ప్రింక్లర్ల షెడ్లపై నిరంతరం నీళ్లు పడుతుంటే ఆ నీటి చుక్కలు వర్షం లెక్క కిందకు జారుతున్నాయి. ఆ నీటిని కాల్వ ద్వారా వరి పంటకు తడి అందిస్తున్నారు. దీంతో కోళ్ల షెడ్లు చల్లగా ఉంటున్నాయని రైతు పేర్కొన్నారు.
