- ఎరువులు, విత్తనాల కొరత లేకుండా ఏర్పాట్లు
- యాక్షన్ ప్లాన్ రెడీ చేసిన వ్యవసాయ శాఖ
కామారెడ్డి, వెలుగు : కామారెడ్డి జిల్లాలో రైతులు యాసంగి సీజన్లో పంటల సాగుకు రెడీ అవుతున్నారు. ఇప్పటికే చాలా ఏరియాల్లో వరి నారు పోసుకున్నారు. మక్క, ఇతర పంటలు సాగు చేస్తున్నారు. వానకాలం సీజన్ముగిసి.. వరి కోతలు, అమ్మకాలు చివరి దశకు వచ్చాయి. ఈ నెలాఖరుకు వరి కొనుగోళ్లు కంప్లీట్కానున్నాయి. దీంతో వ్యవసాయ శాఖ కూడా యాసంగి ( రబీ ) సీజన్ప్లాన్ సిద్దం చేసింది.
యాసంగిలోనూ రైతులు ఎక్కువగావరి సాగే చేయనున్నారు. జిల్లాలో యాసంగి సీజన్ 3,90, 434 ఎకరాల్లో వివిధ రకాల పంటలు సాగు ఆవుతాయని వ్యవసాయ శాఖ అంచనా వేసింది. ఇందులో 2,36,278 ఎకరాల్లో వరి సాగయ్యే అవకాశముంది. 43,173 ఎకరాల్లో మక్క , 40,080 ఎకరాల్లో జొన్న, 57,800 ఎకరాల్లో శనగ , 5,708 ఎకరాల్లో సన్ప్లవర్, 1,117 ఎకరాల్లో పల్లి సాగు చేస్తారని యంత్రాంగం భావిస్తోంది.
ఇప్పటికే కొన్ని ఏరియాల్లో రైతులు శనగ, మక్క పంటల సాగు మొదలుపెట్టారు. యాసంగికి అవసరమైన విత్తనాలు, ఎరువులు అందుబాటులో ఉంచేందుకు వ్యవసాయ శాఖ చర్యలు చేపట్టింది. యూరియా 56,340 మెట్రిక్ టన్నులు, కాంప్లెక్స్ ఎరువులు 39,043 మెట్రిక్ టన్నులు, డీఏపీ 19,521 మెట్రిక్ టన్నులు, వరి విత్తనాలు 70,883 క్వింటాళ్లు, మక్క 1295 క్వింటాళ్లు, శనగ 4624 క్వింటాళ్లు, సన్ప్లవర్ 228 క్వింటాళ్లు అవసరమవుతాయి. విత్తనాలు, ఎరువుల కోసం రైతులు ఇబ్బంది పడకుండా ముందస్తు చర్యలు తీసుకుంటున్నారు.
ప్రాకెక్టుల్లో ఫుల్ నీళ్లు
ప్రస్తుతం నిజాంసాగర్, పోచారం ప్రాజెక్టులతోపాటు చెరువుల్లో పుష్కలంగా నీళ్లున్నాయి. సాగునీటికి తిప్పలు లేకపోవడంతో రైతులు పూర్తిస్థాయిలో సాగుకు చేసేందుకు సిద్ధమవుతున్నారు. నిజాంసాగర్, పోచారం ప్రాజెక్టుల కింద ఎక్కువగా వరి పంట వేస్తారు. ఇప్పటికే లింగంపేట, ఎల్లారెడ్డి, నాగిరెడ్డిపేట, నిజాంసాగర్, బీర్కుర్, బాన్సువాడ, నస్రుల్లాబాద్ మండలాల్లో వరి నారు పోశారు. పలు చోట్ల నారు ఎదిగింది. కామారెడ్డి ఏరియాల్లో ఇంకా వరి కోతలు కంప్లీట్ కాలేదు. దీంతో ఇక్కడ యాసంగి కోసం కాస్త లేట్గా ఇక్కడ నారు మళ్లు వేయనున్నారు.
