బీర్కూర్, వెలుగు: బీర్కూర్ కు చెందిన ‘మన గ్రోమోర్’ లో తమకు నకిలీ విత్తనాలు ఇచ్చారని మండల కేంద్రానికి చెందిన పలువురు రైతులు మంగళవారం ఆందోళన చేశారు. రైతులు రెడ్డి నర్సింలు, ఆర్య దిలీప్, అనిల్ మాట్లాడుతూ.. గ్రోమోర్ లో ఇచ్చిన విత్తనాల వల్ల పొలంలోవడ్ల గింజలకు బదులు.. పొల్లు వచ్చిందన్నారు. తాము నష్టపోయామని అగ్రికల్చర్ ఆఫీసర్లకు కొన్ని రోజుల క్రితం ఫిర్యాదు చేసినా.. పట్టించుకోవడం లేదని ఆవేదన చెందారు.
ఈ విషయమై ఏఓ కమల మాట్లాడుతూ.. రైతుల సమస్య తమ దృష్టికి వచ్చిందని, మంగళవారం పొలాలను పరిశీలించామని తెలిపారు. వివరాలను ఉన్నతాధికారులకు పంపుతామన్నారు.
