నల్గొండ అర్భన్ (కనగల్), వెలుగు : నల్గొండ జిల్లా కనగల్ మండలంలోని ఎస్ లింగోటంలో ధాన్యం కొనాలని రైతులు రోడ్డెక్కారు. ధాన్యం కొనుగోలు కేంద్రం వద్ద సాగర్–హాలియా రహదారిపై ముళ్ల కంచెలు వేసి పురుగుల మందు డబ్బాలతో రాస్తారోకో చేశారు. దీంతో రెండు వైపులా పెద్ద సంఖ్యలో వాహనాలు నిలిచిపోయాయి. విషయం తెలుసుకున్న ఎస్ఐ నగేశ్వచ్చి రైతులకు నచ్చజెప్పే ప్రయత్నం చేసినా వినలేదు. జిల్లా అధికారులు వచ్చి ధాన్యం కొంటామని హామీ ఇచ్చేంతవరకు కదిలేది లేదని స్పష్టం చేశారు.
ఈ సందర్భంగా రైతులు మాట్లాడుతూ తాము నెల రోజులుగా ఇబ్బందులు పడుతున్నా పట్టించుకునే వారే లేరన్నారు. 20 రోజులుగా ధాన్యం ఆరబెట్టి తేమశాతం వచ్చినా నిర్వాహకులు కాంటా వేయడం లేదన్నారు. వర్షాలు కురవడం, ధాన్యం తడవడం, మళ్లీ ఆరబెట్టడం ఇదే జరుగుతోందన్నారు. అడిషనల్కలెక్టర్భాస్కర్ రావు, తహసీల్దార్ శ్రీనివాసరావు ఐకేపీ సెంటర్ వద్దకు చేరుకొని రైతులకు ఇబ్బంది కాకుండా రోజువారీగా లారీలు పంపిస్తామని చెప్పడంతో ఆందోళన నిర్వహించారు.
