లింగంపేట, వెలుగు : మండలంలోని భవానీపేట, కొండాపూర్, ముంబాజీపేట, జల్దిపల్లి, మెంగారం, లింగంపేట, బోనాల్, పోల్కంపేట, పోతాయిపల్లి, శెట్పల్లి సంగారెడ్డి, మాలపాటి, శెట్పల్లి తదితర గ్రామాలలో గురువారం తెల్లవారు జామున 3 నుంచి 5 గంటలవరకు వర్షం కురిసింది. దీంతో కల్లాలలో ఆరబెట్టిన వడ్లు తడిసి ముద్దయ్యాయి.
సొసైటీ, ఐకేపీ ఆధ్వర్యంలో ధాన్యం కొనుగోలు కేంద్రాలను ఏర్పాటు చేసినా వాటిని ప్రారంభించకపోవడంతో వడ్లు తడిసిపోయాయని రైతులు ఆవేదన వ్యక్తం చేశారు. ధాన్యాన్ని తూకం వేసి వెంటవెంటనే రైస్మిల్లులకు తరలించాలని రైతులు కోరుతున్నారు.
