- రాజేంద్రనగర్ డీసీపీ సీహెచ్ శ్రీనివాస్
చేవెళ్ల, వెలుగు: ఫామ్హౌస్ నిర్వాహకులు బాధ్యతగా మెలగాలని రాజేంద్రనగర్ డీసీపీ సీహెచ్ శ్రీనివాస్ సూచించారు. మొయినాబాద్లోని ఓ ఫంక్షన్లో చేవెళ్ల పరిధిలోని వివిధ గ్రామాల్లో ఉన్న ఫామ్ హౌస్ నిర్వాహకులతో సోమవారం ప్రత్యేక సమావేశం నిర్వహించారు. ఫామ్హౌస్ నిర్వాహకులు ట్రేడ్ లైసెన్స్ను తప్పనిసరిగా గ్రామ పంచాయతీ ద్వారా పొందాలన్నారు.
అనుమతులు లేకుండా ఈవెంట్లు నిర్వహిస్తే ఫామ్హౌస్లను సీజ్ చేస్తామని డీసీపీ హెచ్చరించారు. సౌండ్ సిస్టమ్ ఏర్పాటు చేసుకున్న, లిక్కర్ వినియోగించిన ఆన్ లైన్ ద్వారా పోలీసుల అనుమతి తీసుకోవాలన్నారు.
ఫామ్ హౌస్లో ఎలాంటి అవాంఛనీయ సంఘటనలు జరగకుండా భద్రతా చర్యలు తీసుకోవాలని సూచించారు. వాహనాల పార్కింగ్, ఈవెంట్ నిర్వహించే స్థలం వద్ద సీసీ కెమెరాలు ఏర్పాటు చేయాలన్నారు. సమావేశంలో చేవెళ్ల ఏసీపీ కిషన్రావు, మొయినాబాద్ సీఐ పవన్ కుమార్రెడ్డి, ఎస్సైలు నర్సింహ్మరావు, ముజాపర్ అలీ, నహిముద్దీన్ తదితరులు పాల్గొన్నారు.
