ఫ్యాటీ లివర్ డిసీజ్ అనేది మీ కాలేయంలో కొవ్వు పేరుకుపోవడం. ఇది వివిధ రకాలుగా ఉంటుంది. ఫ్యాటీ లివర్ డిసీజ్, ఆల్కహాలిక్ ఫ్యాటీ లివర్ డిసీజ్ ,నాన్-ఆల్కహాలిక్ ఫ్యాటీ లివర్ డిసీజ్ (NAFLD) వివిధ రకాలుగా ఉంటుంది. NAFLDని మెటబాలిక్ డిస్‌ఫంక్షన్-అసోసియేటెడ్ స్టీటోటిక్ లివర్ డిసీజ్ (MASLD) అని కూడా అంటారు. NAFLD సాధారణంగా తక్కువ లేదా అస్సలు మద్యం తాగని వ్యక్తులలో సంభవిస్తుంది.
అధిక బరువు లేదా ఊబకాయం ఉన్నవారిలో ఈ పరిస్థితి చాలా సాధారణం. అపోలో హాస్పిటల్స్ హెల్త్ ఆఫ్ ది నేషన్ రిపోర్ట్ 2024 నుంచి ఇటీవలి డేటా ప్రకారం..2.5 లక్షలకు పైగా వ్యక్తులను పరీక్షిస్తే..65శాతం మందికి ఫ్యాటీ లివర్ వ్యాధి ఉందని,ఈ కేసుల్లో 85శాతం మందికి ఆల్కహాల్ లేని స్వభావం ఉందని తేలింది.
ఫ్యాటీ లివర్ వ్యాధి లక్షణాలు అంత స్పష్టంగా కనిపించవు. చాలా సాధారణ సమస్యలుగా అనిపించొచ్చు. అవి తరుచుగా కనిపిస్తే మాత్రం తప్పకుండా డాక్టర్ ను సంప్రదించాలి. లక్షణాలను గుర్తిస్తే ఫ్యాటీ లివర్ డిసీజ్ ను మొదట్లోనే నియంత్రించవచ్చు. ఫ్యాటీ లివర్ వ్యాధికి సంబంధించిన సంకేతాలు ఒక్కసారి చూద్దాం.
రెడ్ పామ్స్
పామర్ ఎరిథెమా అని కూడా పిలుస్తారు.ఇది ఫ్యాటీ లివర్ వ్యాధి స్టార్టింగ్ దశ సంకేతాలలో ఒకటి. అరచేతులు అసాధారణంగా ఎర్రగా కనిపిస్తాయి.ముఖ్యంగా బొటనవేలు ,చిటికెన వేలు బేస్ చుట్టూ ఎర్రగా మారుతుంది. ఇది రక్త ప్రసరణలో మార్పు ,కాలేయ పనిచేయకపోవడం వల్ల కలిగే హార్మోన్ల అసమతుల్యత కారణంగా జరుగుతుంది.
దురద చర్మం
కొవ్వు కాలేయం వల్ల చేతులు సహా చర్మంపై దురద వస్తుంది. దెబ్బతిన్న కాలేయం ద్వారా సరిగ్గా ప్రాసెస్ చేయబడని పిత్త లవణాలు రక్తప్రవాహంలో చర్మం కింద పేరుకుపోవడంతో చికాకు,నిరంతర దురదకు కారణమవుతాయి.
పలుచగా,పెళుసుగా ఉండే చర్మం
కాలేయ సమస్యలు పోషకాల లోపాలకు దారితీస్తాయి. దీని వలన చేతులపై చర్మం పలచగా, పెళుసుగా మారుతుంది. దీనివల్ల చర్మం గాయాలు, కన్నీళ్లు లేకుండా పొడిబారడం వంటి సమస్యలు ఎక్కువగా కనిపిస్తాయి. ఇవన్నీ కొల్లాజెన్ ఉత్పత్తి బలహీనపడటం ,వైద్యం సరిగా లేకపోవడం వంటివి సూచిస్తాయి.
స్పైడర్ ఆంజియోమాస్
ఇవి చేతులు, ముఖం మీద కనిపించే చిన్న, సాలీడు వల లాంటి రక్త నాళాల సమూహాలు. కాలేయం ఈస్ట్రోజెన్‌ను సరిగ్గా జీవక్రియ చేయడంలో విఫలమైనప్పుడు, వాస్కులర్ మార్పులకు దారితీస్తుంది. ఇది కాలేయ వ్యాధికి సంకేతం.
క్లబ్బింగ్ ఆఫ్ ఫింగర్స్
కాలేయ వ్యాధి ముదిరిన సందర్భాల్లో చేతివేళ్లు గుండ్రంగా మారవచ్చు.ఈ పరిస్థితిని క్లబ్బింగ్ అంటారు. ఈ లక్షణం రక్తంలో ఆక్సిజన్ స్థాయిలు తగ్గడంతో ముడిపడి ఉంటుంది,సిర్రోసిస్ లేదా లివర్ ఫైబ్రోసిస్ వంటి తీవ్రమైన అంతర్లీన సమస్యలకు ఇది సంకేతం.
►ALSO READ | వావ్... అనిపించే ఈ వైల్డ్ లైఫ్ ఫొటోలపై ఓ లుక్కేయండి!
