పాన్ ఇండియా స్టార్ ప్రభాస్, సీతారామం డైరెక్టర్ హను రాఘవపూడితో 'ఫౌజీ' సినిమా చేస్తున్న విషయం తెలిసిందే. ప్రస్తుతం ఈ సినిమా షూటింగ్ రామోజీ ఫిల్మ్ సిటీలో జరుగుతోంది. ఈ సందర్భంగా హీరో ప్రభాస్ కొత్త నటి ఇమాన్వికి తన ఇంటి వంట రుచి చూపించాడు.
ఇమాన్వికి ప్రభాస్ స్వయంగా తయారుచేసిన విలాసవంతమైన ఇంటి భోజనాన్ని అందించారు. రుచికరమైన చికెన్ ఫ్రై, చేపలు సహా రకరకాల వంటకాలతో ఇమాన్వికి బాహుబలి భోజనం పంపించాడు. దాంతో ఇమాన్వీ ప్రభాస్ ఆప్యాయతకు ఫిదా అయిపోయి ఇన్స్టాలో ప్రభాస్కు కృతజ్ఞతలు తెలిపింది.
Also Read : 35 ఇయర్స్ సెంటిమెంట్ ఫాలో అవుతున్న మెగాస్టార్
ఇమాన్వీ టేబుల్‌పై ఉంచిన విలాసవంతమైన భోజనం యొక్క వీడియోను షేర్ చేస్తూ.. "ఈ రుచికరమైన మంచితనానికి ధన్యవాదాలు ప్రభాస్" అని క్యాప్షన్ ఇస్తూ పోస్ట్ చేసింది. సోషల్ మీడియా స్టార్ అయినటువంటి ఇమాన్వికి, ప్రభాస్ భోజనం పంపించడంతో ఇమాన్వీ ఫ్యాన్స్ ఖుషి అవుతున్నారు.
అయితే, హీరో ప్రభాస్ సినిమా సెట్లో తన సహోద్యోగులకు విలాసవంతమైన భోజనం పెట్టడంలో ఎప్పుడు ముందుంటారు. తన గొప్ప ఆతిథ్యాన్ని రుచి చూపించడంలో ప్రభాస్కి సాటెవ్వరూ లేరని చెప్పడంలో ఎలాంటి సందేహం లేదు.
ఫౌజీ బ్యాక్డ్రాప్:
ప్రభాస్తో..హను రాఘవపూడి తెరకెక్కించనున్న ఫౌజీ సినిమా 1970ల నాటి వార్ పీరియడ్ డ్రామాగా రూపొందుతోంది. రజాకార్ల ఉద్యమం ఆధారంగా తెరకెక్కిస్తున్నట్లు సమాచారం. ఈ మూవీలో ప్రభాస్ సైనికుడిగా కనిపించనున్నాడు. ఈ సినిమాకు గాను ఇమాన్వీ రూ.1 కోటి రెమ్యునరేషన్ తీసుకోనుందని టాక్. ఈ చిత్రంలో నటీనటులు జయప్రద, మిథున్ చక్రవర్తి కీలక పాత్రలు పోషిస్తున్నారు.సీతారామం ఫేమ్ విశాల్ చంద్రశేఖర్ సంగీతం అందిస్తున్నాడు.
