స్మార్ట్ ఫోన్స్ ఇప్పుడందరి చేతుల్లో తప్పనిసరి అయిపోయాయి. చిన్న చిన్న పనుల నుండి ఆర్థిక లావాదేవీల వరకూ అన్ని ఫోన్లోనే అయిపోతున్నాయి. అయితే... ఎక్కువ వాడటం వల్ల అవి కాస్తా.. బాగా హీటయిపోతున్నాయి. ఫోన్ వాడే ప్రతి ఒక్కరు ఈ సమస్యను ఫేస్ చేసి ఉంటారు. ఫోన్లో కొన్ని సెట్టింగ్స్ చేంజ్ చేసి.. కొన్ని టిప్స్ ఫాలో అయితే.. ఈ సమస్య నుండి గట్టెక్కచ్చు.
ఫోన్ హీటవ్వకుండా ఉండాలంటే ఈ టిప్స్ ఫాలో అవ్వండి:
• ఎట్టి పరిస్థితులో డూప్లికేట్ ఛార్జర్లు, కేబుల్స్ వాడకండి. ఇలా చేస్తే ఫోన్ తొందరగా వేడెక్కుతుంది.
• ప్రతీసారి కంపెనీ ప్రొవైడ్ చేసిన చార్జర్ మాత్రమే వాడండి.
• ఎప్పుడు చార్జింగ్ పెట్టినా.. బ్యాటరీ పూర్తిగా నిండేలా చూసుకోండి. మళ్లీ బ్యాటరీ పూర్తిగా అయిపోకముందే చార్జింగ్ పెట్టండి.
• స్విచ్ఆఫ్ అయ్యే వరకు మొబైల్ అస్సలు వాడొద్దు.
• బ్యాక్ గ్రౌండ్లో యాడ్స్ రన్ కాకుండా చూసుకోండి. ఎప్పటికప్పుడు చెక్ చేసుకొని అఫ్ చేసేయండి.. అవసరం ఉన్నప్పుడే ఆఫ్ చేసుకోండి.
• డిస్ప్లే లైట్ చాలా తక్కువగా పెట్టుకోండి. లేదంటే ఆటోమేటిక్ మోడ్లో పెట్టుకోండి.
• జంక్ ఫైల్స్ అనవసర ఫైల్స్, ఏపీకే ఫైల్స్, ఎప్పటికప్పుడు డిలీట్ చేసేయండి. ఈ చిట్కాలు పాటిస్తే మీ మొబైల్ హీట్ సమస్య నుండి తప్పించుకోవచ్చు.
