హైదరాబాద్: 9వ అంతస్తు పై నుండి దూకి మహిళ సాప్ట్ వేర్ ఆత్మహత్యకు పాల్పడింది. ఈ విషాద ఘటన హైదరాబాద్లోని మియాపూర్ పోలీస్ స్టేషన్ పరిధిలో ఇవాళ (సెప్టెంబర్ 27) చోటు చేసుకుంది. పోలీసుల వివరాల ప్రకారం.. మియాపూర్ మయూరి నగర్లోని దివ్య శక్తి అపార్ట్మెంట్స్లో భర్త, బాబుతో కలిసి ఉంటోన్న సాయి సింధూర(29) సాఫ్ట్ వేర్ ఉద్యోగం చేస్తోంది. అయితే, గత కొంతకాలంగా అనారోగ్య సమస్యలతో పాటు భర్తతో విభేదాల వల్ల సాయి సింధూర డిప్రెషన్కు గురైంది. ఈ క్రమంలోనే ఇవాళ తాము ఉంటున్న అపార్ట్మెంట్ 9వ అంతస్తు పై నుండి దూకిన ఆత్మహత్యకు పాల్పడింది. తీవ్ర రక్త స్రావం కావడంతో సాయి సింధూర ఘటన స్థలిలోనే మృతి చెందింది. సమాచారం అందుకున్న పోలీసులు ఘటన స్థలానికి చేరుకుని మృతదేహాన్ని పోస్ట్ మార్టం నిమిత్తం గాంధీ హాస్పిటల్కు తరలించారు. మృతురాలి తండ్రి ఇచ్చిన ఫిర్యాదు మేరకు కేసు నమోదు చేసుకొని పోలీసులు దర్యాప్తు చేపట్టారు.
