- సామాన్యులకు నష్టం జరగకుండా చూడండి: ఎఫ్జీజీ
హైదరాబాద్, వెలుగు: కబ్జాల పాలైన చెరువుల పునరుద్ధరణకు హైడ్రా చేస్తున్న కృషి అభినందనీయమని, దీనికి తాము పూర్తి మద్దతు ఇస్తున్నామని ఫోరం ఫర్ గుడ్ గవర్నెన్స్ (ఎఫ్ జీజీ) పద్మనాభరెడ్డి అన్నారు. కూల్చివేతలతో సామాన్యులు తీవ్ర ఇబ్బందులు పడ్తున్నారని, వాళ్ల సమస్యల పరిష్కరించడంపై ప్రభుత్వం చొరవ చూపించాలని కోరారు.
మంగళవారం ఈ అంశంపై సీఎంకు పద్మనాభరెడ్డి లేఖ రాశారు. ఎంతో మంది పేద, మధ్యతరగతి ప్రజలు అప్పులు తెచ్చి డబ్బులు కూడబెట్టి ఇండ్లు, ప్లాట్లు, ఫ్లాట్లు కొన్నారని తెలిపారు. ముందు అనుమతులు ఉన్నాయని చెప్పి, తర్వాత చెరువుల ఆక్రమణ, కబ్జా అని చెప్పి కూలగొడుతున్నారని, దీనివల్ల సామాన్యులకు ఆర్థికంగా దెబ్బ తగులుతోందని చెప్పారు.
