- అసెంబ్లీ పోటీ ఛాన్స్ దక్కని లీడర్ల ఎదురుచూపులు
- పదేండ్ల తర్వాత గవర్నమెంట్వచ్చినందున పదవులపై ఆశలు
నిజామాబాద్, వెలుగు : గవర్నమెంట్ నామినేటెడ్ పోస్టుల కోసం జిల్లా కాంగ్రెస్ లీడర్ల మధ్య తీవ్ర పోటీ ఏర్పడింది. అసెంబ్లీ ఎన్నికల్లో పోటీ చేయడానికి అవకాశం దక్కని లీడర్లకు నామినేటెడ్ పదవు లిస్తామని హైకమాండ్ చెప్పింది. దీంతో అప్పుడు టికెట్లు ఆశించి భంగపడ్డ వారంతా పార్టీ అభ్యర్థుల విజయం కోసం కష్టపడ్డారు. అసెంబ్లీ ఎన్నికల్లో కాంగ్రెస్ విజయం సాధించి ప్రభుత్వాన్ని ఏర్పాటు చేయడంతో ఇప్పుడు వారి చూపు నామినేటెడ్ పోస్టులపై పడింది.
పదేండ్లు ప్రతిపక్షంలో ఉండి కష్టాలు పడ్డందున ఎప్పుడెప్పుడు పదవుల్లో కూర్చుందామని ఆరాటపడుతున్నారు. జిల్లాలో ఆశావహుల సంఖ్య అధికంగా ఉన్నందున ఎవరికి పోస్టులు దక్కుతాయనే విషయం ఆసక్తి రేపుతోంది.
అర్బన్లో అధికం..
నిజామాబాద్అర్బన్ సెగ్మెంట్ నుంచి కాంగ్రెస్పార్టీ అనూహ్యంగా సీనియర్ లీడర్ షబ్బీర్అలీని పోటీ చేయించింది. దీంతో టికెట్లు ఆశించిన మైనార్టీ నేత తాహెర్, మాజీ మేయర్ సంజయ్, కేశవేణు, టీపీసీసీ వర్కింగ్ ప్రెసిడెంట్మహేశ్గౌడ్ లకు అవకాశం దక్కలేదు. ఇప్పుడు వారంతా నామినేటెడ్పోస్టులపై దృష్టి పెట్టారు. దళిత సామాజిక వర్గం నుంచి గడుగు గంగాధర్ కూడా పదవిపై ఆశ పెట్టుకున్నారు.
మున్నూరు కాపు సామాజిక వర్గం నుంచి మహిళా కోటా కింద ఆకుల లలిత ప్రాధాన్యత ఉన్న పోస్టును ఆశిస్తున్నారు. పార్టీలో ప్రతీఒక్కరికి గాడ్ఫాదర్లుఉన్నారు. వారి వైపు నుంచి రాష్ట్ర స్థాయి పోస్టులు పొందడానికి ప్రయత్నాలు చేస్తున్నారు. అసెంబ్లీ ఎన్నికల్లో పోటీ అవకాశం లభించని డీసీసీ ప్రెసిడెంట్ మానాల మోహన్రెడ్డి, రాష్ట్ర కిసాన్ ఖేత్అధ్యక్షుడు అన్వేశ్రెడ్డి కూడా కార్పొరేషన్పదవులు ఆశిస్తున్నారు. మహిళా కోటాలో ప్రేమ్లత అగర్వాల్ ఉన్నారు.
ఆర్మూర్లో..
పార్టీ పెద్దల ఆదేశాలతో అసెంబ్లీ పోటీ నుంచి వైదొలిగిన గోర్త రాజేందర్, జిల్లా లైబ్రరీ కమిటీ మాజీ చైర్మన్మార చంద్రమోహన్ కూడా పదవిపై ఆశతో ఉన్నారు.
సీనియర్ లీడర్ల సర్దుబాటు ఎలా..
ఎలక్షన్ టైమ్లో కాంగ్రెస్లో చేరిన మాజీ మంత్రి మండవ వెంకటేశ్వరరావు కు క్యాబినెట్హోదా నామినేటెడ్ పోస్ట్ ఇస్తారని టాక్ నడుస్తోంది. పార్టీ ముఖ్యలీడర్లు ఇందుకు సుముఖంగా ఉన్నట్లు తెలుస్తోంది. రూరల్కు చెందిన మాజీ ఎమ్మెల్సీ అరికెల నర్సారెడ్డి, మార్కెట్కమిటీ మాజీ అధ్యక్షుడు నగేశ్రెడ్డి, బోధన్సెగ్మెంట్కు చెందిన కెప్టెన్ కరుణాకర్రెడ్డి కూడా పదవులు ఆశిస్తున్నారు. కష్టకాలంలో పార్టీని అంటిపెట్టుకొని ఉన్న లీడర్లను స్టేట్తో పాటు జిల్లాలోని నామినేటెడ్ పోస్టుల్లో అడ్జెస్ట్ చేయనున్నారు.
