మర్రి లక్ష్మణ్ రెడ్డి కాలేజీ(MLRIT)లో జరిగిన బతుకమ్మ వేడుకల్లో ఘర్షణ చోటుచేసుకుంది. విద్యార్థులు రెండు వర్గాలుగా విడిపోయి పదునైన వస్తువులతో దాడులు చేసుకున్నారు. ఈ ఘర్షణలో పలువురు విద్యార్థులకు గాయాలయ్యాయి. ఈ ఘటన మంగళవారం జరగ్గా ఆలస్యంగా వెలుగులోకి వచ్చింది.
మంగళవారం(అక్టోబర్ 01) ఎంఎల్ఆర్ఐటి కళాశాలలో దసరా పండుగ సందర్భంగా బతుకమ్మ వేడుకలు నిర్వహించారు. ఈ వేడుకల్లో ఇద్దరు విద్యార్థులు తలెత్తిన గొడవ చిలికి చిలికి పెద్ద వానలా మారింది. ఒక విద్యార్థి స్నేహితులతో కలిసి తోటి విద్యార్థులపై దాడికి పాల్పడ్డాడు. ఈ ఘర్షణలో సాకేత్ రెడ్డి అనే విద్యార్థికి తీవ్ర గాయాలయ్యాయి. గాయపడిన విద్యార్థులు దుండిగల్ పోలీసులకు లిఖితపూర్వకంగా ఫిర్యాదు చేశారు. కేసు నమోదు చేసుకున్న పోలీసులు దర్యాప్తు చేస్తున్నారు.
