- మార్చి 31 నాటికి 3.24 లక్షల ఐటీఆర్లు
న్యూఢిల్లీ: ఏడాదిలో కోటి రూపాయలు.. అంతకంటే ఎక్కువగా సంపాదించే 3 .24 లక్షల మంది వ్యక్తులు గత నెల 31లోపు ఆదాయపు పన్ను రిటర్న్‌‌‌‌లను దాఖలు చేశారని ఐటీశాఖ తెలిపింది. వీరిలో 2.97 లక్షల మంది వ్యక్తుల ఆదాయం రూ.కోటి నుంచి ఐదు కోట్ల వరకు ఉంది. రూ.5-10 కోట్ల మధ్య ఆదాయం ఉన్న పన్ను చెల్లింపుదారులు 16,797 మంది ఉండగా, రూ.10 కోట్ల కంటే ఎక్కువ ఆదాయం ఉన్న వారు 10,184 మంది ఉన్నట్టు తేలింది.
అంతేగాక కోట్లాది రూపాయల ఆదాయం గల 3.89 లక్షల కంపెనీలు, సంస్థలు, హెచ్యూఎఫ్లు, ట్రస్టులు, వ్యక్తుల సంఘాలు, ప్రభుత్వ సంస్థలు, స్థానిక సంస్థలు ఐటీ రిటర్నులు దాఖలు చేశాయి. వీరిలో 36వేల మందికి రూ.5-10 కోట్ల ఆదాయం ఉండగా, 43వేల మందికి రూ.10 కోట్ల ఆదాయం ఉంది. ఐటీ శాఖ లెక్కల ప్రకారం ఈసారి మొత్తం 14.01 కోట్ల ఐటీఆర్లు వచ్చాయి.
వీరిలో వ్యక్తిగత వినియోగదారుల సంఖ్య 12.91 కోట్లు. ఆధార్‌‌‌‌ను లింక్ చేసిన మొత్తం వ్యక్తిగత వినియోగదారుల సంఖ్య 11.86 కోట్లకు పైగా ఉంది. 2024-–25 ఆర్థిక సంవత్సరంలో మార్చి 31 వరకు దాఖలు చేసిన మొత్తం రిటర్నుల సంఖ్య 9.19 కోట్లు కాగా, ఈ–-వెరిఫైడ్ రిటర్న్‌‌‌‌ల సంఖ్య 8.64 కోట్లుగా ఉంది.
