ఎల్బీనగర్, వెలుగు: మలక్పేటలోని సోహైల్ హోటల్లో అగ్నిప్రమాదం చోటుచేసుకుని ఒకరు మృతి చెందారు. శుక్రవారం సాయంత్రం హోటల్లోని కిచెన్లో మంటలు చెలరేగి దట్టమైన పొగలు వ్యాపించాయి. ఆ టైంలో ఎక్కువ మంది సిబ్బంది ఉన్నప్పటికీ వెంటనే అప్రమత్తమై బయటికి పరుగులు తీశారు. పార్సిల్ సర్వీస్ కౌంటర్లో పనిచేస్తున్న షాబుద్దీన్(36) పొగ దెబ్బకు ఊపిరి ఆడక మృతి చెందాడు.
కొంత మంది అస్వస్థతకు గురయ్యారు. ఒక్కసారిగా దట్టమై పొగలు వ్యాపించడంతో సోహైల్హోటల్పక్కనే ఉన్న మలక్ పేట గవర్నమెంట్హాస్పిటల్లోని పేషెంట్లు ఆందోళనకు గురయ్యారు. సిబ్బంది అప్రమత్తమైన వేరే బ్లాక్ లోకి తరలించారు. సమాచారం అందుకున్న ఫైర్సిబ్బంది ఘటనా స్థలానికి చేరుకుని మంటలను అదుపు చేశారు. షార్ట్ సర్క్యూట్ లేదా గ్యాస్ లీక్ కారణంగానే ప్రమాదం జరిగిందని, విచారణ చేస్తున్నామని డిస్ట్రిక్ట్ ఫైర్ ఆఫీసర్ శ్రీనివాస్ రెడ్డి తెలిపారు. ప్రమాద స్థలానికి మలక్ పేట ఎమ్మెల్యే అహ్మద్ బలాల పరిశీలించారు. కేసు నమోదు చేశామని పోలీసులు తెలిపారు.
