మేడిపల్లి, వెలుగు: బోడుప్పల్ మున్సిపాలిటీ పరిధిలోని ఓ ఎలక్ట్రిక్బైకుల గోదాంలో శనివారం భారీ అగ్ని ప్రమాదం జరిగింది. రూ.8 కోట్ల ఎలక్ట్రిక్బైకులు, స్పేర్పార్టులు, ఇతర సామాగ్రి దగ్ధమైంది. మేడిపల్లి పోలీసులు, స్థానికులు తెలిపిన వివరాల ప్రకారం.. రామకృష్ణానగర్ కాలనీలోని వర్స్ గ్లోబల్ ట్రేడ్ ప్రైవేట్ లిమిటెడ్ ఎలక్ట్రిక్బైక్ గోదాంలో శనివారం సాయంత్రం ఒక్కసారిగా మంటలు చెలరేగాయి.
అందులోని బైకులు, ఇతర సామాగ్రి కాలిబూడిదైంది. ఎగిసి పడుతున్న మంటలను చూసి స్థానికులు పరుగులు తీశారు. సమాచారం అందుకున్న ఫైర్సిబ్బంది అక్కడికి చేరుకుని మంటలను అదుపులోకి తీసుకువచ్చారు. కేసు నమోదు చేసి దర్యాప్తు చేస్తున్నామని మేడిపల్లి పోలీసులు తెలిపారు. అయితే ఫైర్యాక్సిడెంట్పై అనుమానాలు వ్యక్తమవుతున్నాయి.
