శామీర్ పేట, వెలుగు : శామీర్ పేట మండలంలో తుంకుంట మున్సిపాలిటీ పరిధిలోని ఉప్పరపల్లిలో కరెంట్ షాక్తో శుభకార్యాల అలంకరణ సామగ్రి నిల్వ ఉండే చోట అగ్ని ప్రమాదం జరిగింది. అగ్నిమాపక, పోలీస్ శాఖ అధికారులు, బాధితులు తెలిపిన వివరాలు ప్రకారం... ఉప్పర పల్లి శివారులోని పెద్దమ్మ తల్లి టెంపుల్ సమీపంలోని ఓ గోదాంలో శుభకార్యాలకు సంబంధించి అలంకరణ చేసే భారీ సెట్టింగ్లు సామగ్రిని కార్పెట్స్ ఓ గోదాంలో పెట్టారు.
ప్రమాదవశాత్తు ఆదివారం ఉదయం కూలీలు ఉండే గదిలో కరెంట్ షాక్ తో మంటలు అంటుకున్నాయి. అగ్నిమాపక సిబ్బందికి సమాచారం ఇవ్వగా రెండు ఫైర్ ఇంజన్లతో వచ్చి, మంటలు ఆర్పేశారు. ఈ ప్రమాదంలో సుమారు 3,4 లక్షల వరకు ఆస్తి నష్టం జరిగిందని నిర్వాహకులు తెలిపారు. పోలీసులు కేసు నమోదు చేసుకుని దర్యాప్తు చేస్తున్నారు.
