హైదరాబాద్: చిక్కడపల్లి పోలీస్ స్టేషన్ పరిధిలోని అజమాబాద్ రాంనగర్ చౌరస్తా సమీపంలోని ఓ వస్త్ర దుకాణంలో అగ్ని ప్రమాదం జరిగింది. షాప్ క్లోజ్ చేసి యజమాని ఇంటికి వెళ్లిపోయిన కొంతసేపటికి షాప్లో మంటలు అలుముకున్నాయి. దుకాణం నుంచి మంటలు ఎగిసిపడుతున్నాయి. ఘటనా స్థలానికి పోలీసులు, ఫైర్ సిబ్బంది చేరుకున్నారు. ప్రమాద సమయంలో ఉద్యోగులు దుకాణంలో లేరు. షట్టర్ క్లోజ్ చేసి ఉండడంతో ఫైర్ సిబ్బంది దాన్ని తెరిచి మంటలు అదుపు చేసే ప్రయత్నం చేస్తున్నారు. అగ్ని ప్రమాదానికి గల కారణాలు తెలియాల్సి ఉంది.
