- రూ.25లక్షల ఆస్తి నష్టం.. మణికొండలో ఘటన
గండిపేట, వెలుగు: గృహప్రవేశం చేసిన కొన్ని గంటల్లోనే పూజగదిలో పెట్టిన దీపం అంటుకుని ఇల్లు దగ్ధమైంది. ఈ ఘటన మణికొండ మున్సిపాలిటీ పరిధిలోని ఈఐపీఎల్‌ అపార్ట్‌మెంట్‌ 9వ అంతస్తులో జరిగింది. ఐటీ ఉద్యోగి అయిన సంతోశ్ కొత్తగా 9వ అంతస్తులో ప్లాట్కొన్నాడు. మంగళవారం బంధువులు, కుటుంబ సభ్యులతో కలిసి గృహప్రవేశం చేశాడు. ఈ సందర్భంగా పూజ గదిలో నూనె దీపం పెట్టారు. అయితే అర్ధరాత్రి టైంలో దీపం కింద ఉన్న బట్ట అంటుకుని మంటలు చెలరేగాయి.
పక్కనే ఉన్న కాటన్‌కు, డోర్, కిటికీల కర్టన్లకు, ఫర్నిచర్కు, ఫ్లోర్సిలింగ్‌కు వ్యాపించాయి. సంతోశ్తోపాటు కుటుంబ సభ్యులు గమనించి పెద్దగా కేకలు వేశారు. స్థానికుల సమాచారంతో అగ్నిమాపక సిబ్బంది చేరుకుని మంటలను అదుపులోకి తీసుకువచ్చారు. అయితే అప్పటికే ఇంట్లోని సామాగ్రి మొత్తం కాలిబూడిదైంది. దాదాపు రూ.25 లక్షల ఆస్తినష్టం జరిగి ఉండవచ్చునని భావిస్తున్నారు.
