- ఫర్నిచర్, రెండు బైకులు,
- ఇతర సామగ్రి దగ్ధం
- షార్ట్సర్క్యూట్ వల్లే ప్రమాదం
కూకట్పల్లి, వెలుగు : కేపీహెచ్బీ పీఎస్పరిధిలోని కంచుకోట రెస్టారెంట్లో గురువారం తెల్లవారుజామున అగ్నిప్రమాదం జరిగింది. మంటల్లో రెస్టారెంట్లోని ఫర్నిచర్, ఇతర సామాగ్రి కాలిపోయాయి. సకాలంలో అగ్నిమాపక సిబ్బంది మంటలను అదుపు చేయడంతో భారీ ఆస్తి నష్టం తప్పింది. షార్ట్ సర్క్యూట్ కారణంగానే ఈ ప్రమాదం జరిగిందని భావిస్తున్నారు. కేపీహెచ్బీ పరిధి అడ్డగుట్ట సొసైటీలోని అర్జున్ థియేటర్ సమీపంలో కంచుకోట రెస్టారెంట్ఉంది.
గురువారం తెల్లవారుజామున 3.30 గంటలకు అకస్మాత్తుగా మంటలంటుకున్నాయి. ఆ టైంలో రెస్టారెంట్లోనే పడుకున్న సిబ్బంది గమనించి బయటకు వచ్చారు. రెస్టారెంట్లోని ఫర్నిచర్తో పాటు రెండు బైకులు, ఫ్రిజ్, ఏసీ, వంట సామగ్రి కాలిపోయాయి. కేపీహెచ్బీ పోలీసులు కేసు నమోదు చేసుకుని దర్యాప్తు చేస్తున్నారు.
