సికింద్రాబాద్, వెలుగు: సికింద్రాబాద్ ప్యారడైజ్ హోటల్ సెల్లార్లో శుక్రవారం ఒక్కసారిగా మంటలు చెలరేగాయి. హోటల్ సిబ్బందితో పాటు కస్టమర్లు తీవ్ర భయాందోళనకు గురై బయటకు పరుగులు తీశారు. పక్కనే ఫైర్ స్టేషన్ఉండడంతో హుటాహుటిన ఘటనా స్థలానికి చేరుకున్న ఫైర్ సిబ్బంది మంటలను పూర్తిగా అదుపులోకి తీసుకొచ్చారు.
ఈ ప్రమాదంలో ఎలాంటి ప్రాణ హాని జరగలేదు. అయితే, ఒక్క సారిగా దట్టమైన పొగలు వెలువడడంతో హోటల్లో పని చేసే ఓ యువకుడు అస్వస్థతకు గురయ్యాడు. దీంతో అతడిని సమీపంలోని ఓ ప్రైవేటు హాస్పిటల్ కు తరలించారు. సెల్లార్లోని జనరేటర్ ఓవర్ హీటై మంటలు వ్యాపించినట్లు ఫైర్ ఆఫీసర్ తెలిపారు.
