భద్రాద్రికొత్తగూడెం, వెలుగు : కొత్తగూడెం పట్టణంలోని తాటిపల్లి రెసిడెన్సీలో ఆదివారం అగ్నిప్రమాదం జరిగింది. పెద్ద ఎత్తున పొగలు రావడంతో ఆ ప్రాంత ప్రజలు తీవ్ర భయాందోళనలకు గురయ్యారు. షార్ట్ సర్క్యూట్ మూలంగానే అగ్ని ప్రమాదం జరిగినట్టుగా రెసిడెన్సీ నిర్వాహకులు పేర్కొంటున్నారు.
ఫైరింజన్ వచ్చి మంటలు ఆర్పుతుండగానే వెహికల్లోని నీళ్లు అయిపోయాయి. నీళ్ల కోసం ఫైరింజన్ వెళ్లి వచ్చే సరికి పొగలు భారీగా వస్తుండడంతో ఆ ప్రాంత వాసులు ఆందోళనకు గురయ్యారు. హోటల్, లాడ్జీలో ఉన్న వారంతా ఒక్కసారిగా బయటకు పరుగులు పెట్టారు.
