మాదాపూర్, వెలుగు : స్టోర్ చేసిన సిలిండర్లపై పటాకుల నిప్పురవ్వలు పడి ఒక్కసారిగా పేలి మంటలు వ్యాపించిన ఘటన మాదాపూర్పీఎస్లో చోటు చేసుకుంది. మాదాపూర్జోన్డీసీపీ జి. వినీత్ తెలిపిన ప్రకారం.. వివిధ కేసుల్లో సీజ్చేసిన గ్యాస్ సిలిండర్లను మాదాపూర్ పోలీసు స్టేషన్ వెనక ఆవరణలో స్టోర్ చేశారు. సోమవారం రాత్రి 8.30 గంటలకు స్టేషన్ వెనకాల ఉన్న హనుమాన్ఆలయంలో పూజలు జరిగాయి.
అనంతరం నిర్వాహకులు పటాకులు కాల్చారు. ఆ నిప్పురవ్వలు వచ్చి స్టేషన్ లోని గ్యాస్ సిలిండర్లపై పడడంతో చిన్న సైజ్గ్యాస్ సిలిండర్లు పేలి మంటలు వ్యాపించాయి. వెంటనే పోలీసులు ఫైర్ స్టేషన్కు సమాచారం అందించగా వచ్చి మంటలను ఆర్పారు. ఎలాంటి ప్రాణ, ఆస్తి నష్టం జరగలేదని డీసీపీ తెలిపారు. ఘటనపై తెలిసిన వెంటనే మాదాపూర్డీసీసీ, ఏడీసీపీ, ఏసీపీ సందర్శించి ప్రమాదంపై ఇన్స్పెక్టర్ను అడిగారు. విచారణ జరిపి చర్యలు తీసుకుంటామని డీసీపీ పేర్కొన్నారు.
