- 5200 బేళ్లు దగ్ధం.. రూ. 20 కోట్లు నష్టం
యాదాద్రి, వెలుగు : యాదాద్రి జిల్లా వలిగొండ మండలం టేకుల సోమరం శివార్లలోని గోడౌన్ సముదాయంలో సోమవారం రాత్రి మంటలు చెలరేగాయి. ఆ ప్రాంతమంతా దట్టమైన పొగలతో నిండిపోయింది. మంటల వేడికి గోదాము గోడలకు పగుళ్లు వచ్చి కూలిపోయాయి. ఇందులో 4వ గోదాములో నిలువ ఉన్న కాటన్ కార్పొరేషన్ఆఫ్ఇండియాకు చెందిన దాదాపు 5200 పత్తి బేళ్లు కాలిపోయాయి.
మంటలను గమనించిన స్థానికులు పోలీసులకు సమాచారం అందించారు. వారి నుంచి సమాచారం అందుకున్న ఫైర్ డిపార్ట్మెంట్ స్టాఫ్ మూడు వెహికల్స్లో హుటాహుటిన అక్కడికి చేరుకొని మంటలు అదుపు చేయడానికి ప్రయత్నిస్తున్నారు. దాదాపు రూ. 20 కోట్ల విలువైన పత్తి కాలిపోయినట్లు అధికారులు అంటున్నారు.
