జీడిమెట్ల, వెలుగు: జీడిమెట్ల ఇండస్ట్రియల్ఏరియాలో హార్డ్వేర్ సామాగ్రి లోడుతో వెళ్తున్న లారీలో మంటలు చెలరేగి సరుకు మొత్తం కాలిపోయింది. లారీ క్యాబిన్ మినహా వెనుక భాగం దగ్ధమైంది. వివిధ రకాల హార్డ్వేర్ సామగ్రితో వెళ్తున్న 14 టైర్ల లారీ బుధవారం రాత్రి 10 గంటలప్పుడు జీడిమెట్ల ఇండస్ట్రియల్ఏరియాకు చేరుకునే టైంలో ఒక్కసారిగా మంటలు చెలరేగాయి. గమనించిన డ్రైవర్పక్కకు ఆపి పారిపోయాడు. సమాచారం అందుకున్న జీడిమెట్ల అగ్నిమాపక సిబ్బంది అక్కడికి చేరుకుని మంటలను ఆర్పివేశారు.
