హైదరాబాద్ రామంతపూర్ వివేక్ నగర్ లోని ఓ ఇంట్లో భారీ అగ్ని ప్రమాదం జరిగింది. నవంబర్ 26న ఉదయం ఎలక్ట్రిక్ బైక్ పేలి భారీగా మంటలు వ్యాపించాయి. మంటలు ఎగసి పడటంతో పార్కింగ్ లో ఉన్న మరో ఎనిమిది బైకులు పూర్తిగా దగ్ధం అయ్యాయి.
పార్కింగ్ లో రెండు బ్యాటరీ బైక్ లు,మరో ఏడు వేరే బైకులు ఉన్నాయి. స్థానికులు మంటలను అదుపుచేసినా ఫలితం లేకుండా పోయింది. బైకులు పూర్తిగా దగ్ధం అయ్యాయి. స్థానికుల సమాచారంతో సంఘటన స్థలానికి చేరుకున్న ఉప్పల్ పోలీసులు కేసు నమోదు చేసి దర్యాప్తు చేస్తున్నారు. ప్రమాదానికి గల కారణాలపై ఆరాదీస్తున్నారు.
