హైదరాబాద్: కేపీహెచ్బీ కాలనీ డీమార్ట్ సమీపంలోని MIG 9/2 అపార్ట్మెంట్లో బుధవారం (నవంబర్ 13) రాత్రి అగ్ని ప్రమాదం జరిగింది. అపార్ట్మెంట్లో పూజలో భాగంగా దీపాన్ని వెలిగించగా ప్రమాదవశాత్తు అంటుకొని మంటలు చెలరేగాయి. దీంతో భయాందోళనకు గురైన అపార్ట్మెంట్ వాసులు వెంటనే పోలీసులు, అగ్నిమాపక సిబ్బందికి సమాచారం అందించారు. హుటాహుటిన పోలీసులు, ఫైర్ సిబ్బంది ఘటన స్థలానికి చేరుకున్నారు.
ALSO READ | 19 మందికి అసలు భూమే లేదు.. లగచర్ల ఘటనపై ఐజీ సత్యనారాయణ కీలక ప్రకటన
కూకట్ పల్లి ఫైర్ ఆఫీసర్ జగన్మోహన్ నేతృత్వంలో లచ్చిరెడ్డి, వంశీకృష్ణతో పాటు సిబ్బందితో కలిసి అపార్ట్మెంట్లో ఉన్న 15 మంది సభ్యులకు ఎటువంటి ప్రమాదం జరగకుండా వారిని బయటకు తీసుకొచ్చారు. ఈ ఘటనలో ఎలాంటి ప్రాణనష్టం జరగకపోవడంతో అపార్ట్మెంట్ వాసులతో పాటు అధికారులు ఊపిరి పీల్చుకున్నారు. సకాలంలో స్పందించి 15 మందిని రెస్య్కూ చేసిన ఫైర్ సిబ్బందిపై ప్రశంసలు కురుస్తున్నాయి. కాగా, ఈ ఘటనకు సంబంధించిన పూర్తి వివరాలు తెలియాల్సి ఉంది.
