- మంటలు అర్పడంతో తప్పిన పెను ప్రమాదం
వనపర్తి, వెలుగుః వనపర్తి పట్టణంలోని చందాపూర్ రోడ్డులో పీర్ల గుట్టపై చెలరేగిన మంటలను ఆర్పడంతో ప్రమాదం తప్పింది. పీర్లగుట్టపై డబుల్ బెడ్ రూమ్ ఇండ్ల సమీపంలో చెట్లు ఉన్నాయి. వేసవి కావడంతో ఎండిపోయి ఆకులు రాలాయి. శనివారం రాత్రి పొద్దుపోయాక గుట్టమీద పెద్ద ఎత్తున ఎగిసిపడుతున్న మంటలు కనిపించాయి.
సాగర్ స్నేక్ సొసైటీ వ్యవస్థాపకుడు కృష్ణసాగర్ తన బృందంతో కలిసి గుట్టవద్దకు వెళ్లి చూడగా మంటలు వ్యాపించడాన్ని గమనించి ఆర్పారు. గుర్తు తెలియని వ్యక్తులు బీడీ లేదా సిగరెట్తాగి పడేయడం వల్ల ఎండిన ఆకులు అంటుకుని మంటలు ఎగిసిపడ్డాయి. సకాలంలో స్పందించిన సాగర్ స్నేక్ సొసైటీ బృందాన్ని స్థానికులు అభినందించారు.
