మాస్కో: ఓ గ్రహశకలం రష్యా తూర్పు భాగంలో ఉన్న యకుటియాను తాకింది. 70 సెంటీ మీటర్ల వ్యాసం కలిగిన ఈ గ్రహశకలం.. బుధవారం తెల్లవారుజామున భూమి వైపు దూసుకొచ్చింది. భూవాతావరణంలోకి ప్రవేశిస్తూనే నిప్పంటుకుని పేలిపోయింది. దీంతో ఆకాశంలో మెరుపులు మెరిశాయి. ఇందుకు సంబంధించిన వీడియోలు సోషల్ మీడియాలో వైరల్ అవుతున్నాయి. ఈ గ్రహశకలాన్ని 12 గంటల ముందే గుర్తించామని యూరోపియన్ స్పేస్ ఏజెన్సీ చెప్పింది. భూమి వైపు ఓ చిన్న గ్రహశకలం దూసుకొస్తున్నదని, దాంతో ఎవరికీ ఎలాంటి ప్రమాదం ఉండదని మంగళవారమే వెల్లడించింది. యాకుటియాను ఈ ఫైర్బాల్ తాకుతుందని కూడా చెప్పింది.
