కేకేఆర్ టీమ్‌‌లోకి అలీ ఖాన్‌
అబుదాబి: ఐపీఎల్‌ హిస్టరీలోనే తొలిసారి ఓ అమెరికా క్రికెటర్ లీగ్‌‌లో ఆడబోతున్నాడు. కోల్‌‌కతా నైట్‌ రైడర్స్‌ (కేకేఆర్) యూఎస్‌‌ఏకు చెందిన 29 ఏళ్ల ఫాస్ట్‌ బౌలర్ అలీ ఖాన్‌‌ను తమ టీమ్‌‌లోకి తీసుకోనుంది. భుజం గాయం కారణంగా లీగ్‌‌కు దూరమైన హ్యారీ గర్నీకి రీప్లేస్‌‌మెంట్‌‌గా అలీని ఎంపిక చేసింది. దీనికి ఐపీఎల్‌ జీసీ నుంచి అప్రూవల్‌ రావాల్సి ఉంది కరీబియన్‌ ప్రీమియర్ లీగ్‌‌లో టైటిల్‌ నెగ్గిన కేకేఆర్ ఫ్రాంచైజీ.. ట్రిన్‌‌బాగో నైట్‌‌రైడర్స్‌ (టీకేఆర్) టీమ్‌‌లో అలీ ఖాన్‌ కూడా ఉన్నాడు. ఆ లీగ్‌‌లో ఎనిమిది మ్యాచ్‌‌ల్లో ఆడిన ఖాన్‌ 7.43 ఎకానమీతో 8 వికెట్లు తీశాడు. లాస్ట్‌ ఇయర్ నుంచే అతడిని ఐపీఎల్‌‌లోకి తీసుకోవాలని కేకేఆర్ భావించినా వర్కౌట్‌ కాలేదు. 140 కి.మీ. స్పీడ్‌‌తో బంతులు వేయడంతో పాటు స్లాగ్‌ ఓవర్లలోనూ బౌలింగ్‌ చేసే ఖాన్‌ మంచి యార్కర్లు సంధిస్తాడు. 2018లో కెనడాలో జరిగిన గ్లోబల్ టీ20లో ఖాన్‌ పెర్ఫామెన్స్‌ చూసి వెస్టిండీస్‌ ఆల్‌‌రౌండర్ డ్వేన్‌ బ్రావో.. సీపీఎల్‌‌లో తన నైట్‌ రైడర్స్‌ టీమ్‌‌లో చాన్సిచ్చాడు. ఈ లీగ్‌‌లో తన ఫస్ట్‌ బాల్‌‌కే శ్రీలంక లెజెండ్‌ కుమార సంగక్కరను ఔట్‌ చేసి ఔరా అనిపించాడు అలీ ఖాన్‌.
For More News..
