జాతీయ గ్రీన్ హైడ్రోజన్ మిషన్లో భాగంగా దేశంలో తొలిసారిగా హిమాచల్ప్రదేశ్లోని జాక్రిలో బహుళ ప్రయోజనం గల 1500 మెగావాట్ల నాథ్పా జాక్రి హైడ్రో పవర్ స్టేషన్ (ఎన్జేహెచ్పీఎస్)లో గ్రీన్ హైడ్రోజన్ పైలట్ ప్రాజెక్టును సట్లెజ్ జల్ విద్యుత్ నిగమ్ లిమిటెడ్ ప్రారంభించింది.
విద్యుత్ రంగంలో గ్రీన్ హైడ్రోజన్ ఉత్పత్తికి అవసరమైన మౌలిక సదుపాయాల అభివృద్ధిని వేగవంతం అవుతుంది. దీనివల్ల శుద్ధమైన ఇంధన ఉత్పత్తిలో గ్రీన్ హైడ్రోజన్ కీలక పాత్ర పోషించనుంది. ఈ ప్రాజెక్టులో ఉత్పత్తి అయ్యే గ్రీన్ హైడ్రోజన్ను ఎస్జేవీఎన్ నెలకొల్పిన హై వెలాసిటీ ఆక్సిజన్ ఫ్యూయల్(హెచ్వీఓఎఫ్) కోటింగ్ ఫెసిలిటీ ఇంధన అవసరాల కోసం ఉపయోగిస్తారు.
అంతేకాకుండా 25 కిలోవాట్ల సామర్థ్యం గల ఫ్యూయెల్ సెల్ ద్వారా విద్యుదుత్పత్తి జరుగుతుంది.
గ్రీన్ హైడ్రోజన్ పైలట్ ప్రాజెక్ట్ 8 గంటల సమయంలో నిత్యం 14 కిలోగ్రాముల గ్రీన్ హైడ్రోజన్ను ఉత్పత్తి చేస్తుంది. ఈ ప్రాజెక్టు 20 ఎన్ఎం 3/ గంటలు సామర్థ్యం గల ఆల్కలీన్ ఎలక్ట్రోలైజర్ను ఉపయోగించి హైడ్రోజన్ను ఉత్పత్తి చేస్తుంది. దీనికి అవసరమైన ఇంధనం సిమ్లాలోని వధాల్లో ఎస్జేవీఎన్ నెలకొల్పిన 1.31 మెగావాట్ల సౌర విద్యుత్ కేంద్రం నుంచి పునరుత్పాదక శక్తిగా సరఫరా అవుతుంది.
