కొల్లాపూర్ , వెలుగు: పాలమూరు– రంగారెడ్డి ప్యాకేజీ –-1 వద్ద మొదటి పంప్డ్రై రన్ సక్సెస్ అయ్యింది. నాగర్కర్నూల్జిల్లా నార్లాపూర్వద్ద ఆదివారం ఇరిగేషన్ స్పెషల్ చీఫ్ సెక్రటరీ రజత్కుమార్, ఇరిగేషన్ అధికారుల సమక్షంలో డ్రై రన్ నిర్వహించారు. ఈ నెల15 వరకు అన్ని పనులు పూర్తి చేసి వెట్రన్నిర్వహించాలని ఆదేశించారు. వారం రోజుల తేడాతో ఏదుల, వట్టెం..అక్టోబర్3 వరకు కరివెన రిజర్వాయర్లను 2 టీఎంసీల చొప్పున నీటితో నింపాలని ఆదేశించారు. మొదట స్విచ్యార్డ్,400 కేవీ సబ్స్టేషన్ ను పరిశీలించిన రజత్ కుమార్కరెంట్చార్జింగ్పనులు, మొదటి మోటార్పంప్కు కరెంట్సరఫరా ఏర్పాట్లపై సమీక్షించారు. తర్వాత పూజలు నిర్వహించి మోటార్ స్టార్ట్ చేశారు. డ్రై రన్సక్సెస్ కావడంతో ఇంజనీర్లను అభినందించారు.
టెన్షన్ పెట్టించిన నీళ్లు..
డ్రై రన్కు అన్ని సిద్ధం చేసిన అధికారులు ముహూర్తం కోసం వేచి చూస్తుండగాపంప్ హౌస్ పై నుంచి నీళ్లు జారడంతో అధికారులు టెన్షన్ పడ్డారు. అప్రమత్తమైన టెక్నికల్స్టాఫ్నీళ్లు ఎటు నుంచి వస్తున్నాయో గుర్తించి వాటిని నియంత్రించారు. ప్రభుత్వ ఎత్తిపోతల పథకాల సలహాదారు పెంటారెడ్డి, ఈఎన్సీ మురళీ ధర్ రావు, సీఈ హమీద్, ఎస్ఈలు, ఈఈలు, పాల్గొన్నారు.
45 రోజులలో కరివెన రిజర్వాయర్ కు సాగునీరు
కందనూలు, వెలుగు : పాలమూరు-, రంగారెడ్డి ఎత్తిపోతల పథకంలో భాగమైన కరివెన రిజర్వాయర్ కు 45 రోజుల్లో సాగునీటిని తీసుకొస్తామని రాష్ట్ర నీటి పారుదల శాఖ ప్రత్యేక కార్యదర్శి రజత్ కుమార్ తెలిపారు. ఆదివారం మహబూబ్నగర్ జిల్లా పరిధిలోని కరివెన రిజర్వాయర్ కు సంబంధించిన మిషన్ భగీరథ పైప్ లైన్ మార్పిడి పనులను బిజినేపల్లి మండలం వట్టెం వద్ద పరిశీలించారు. అనంతర మీడియాతో మాట్లాడుతూ మూడు వారాల్లో మొదటి మోటార్ ద్వారా పంపింగ్ చేస్తామని తెలిపారు. నిబంధనల మేరకు ముందుగా నార్లాపూర్, ఏదుల, వట్టెం రిజర్వాయర్లను నింపి, ఆ తరువాత 45 రోజుల్లో కరివెన రిజర్వాయర్ కు సాగునీటిని తీసుకువస్తామని తెలిపారు. మిషన్ భగీరథకు సంబంధించి వట్టెం వద్ద పైప్ మార్చే సమస్యతో పాటు కుడికిల్ల వద్ద ఉన్న డీప్ కట్ సమస్యను పరిష్కరించి సాగునీటిని తీసుకొస్తామని చెప్పారు.
