కొత్తగా వీడియోలు తీసే కంటెంట్ క్రియేటర్లు, వ్లాగర్లకు ట్రైపాడ్, మైక్, ఎల్ఈడీ లైట్లు కొనుక్కోవడం కాస్త భారమే. అందుకే అలాంటివాళ్లకోసం ఫిట్రిక్ అనే కంపెనీ బేసిక్ వీడియో మేకింగ్ కిట్ని మార్కెట్లోకి తెచ్చింది. ఇది చాలా తక్కువ బడ్జెట్లో దొరుకుతుంది. ఈ కిట్లో ఒక ట్రైపాడ్ ఉంటుంది. దీన్ని హ్యాండిల్లా కూడా వాడుకోవచ్చు. దాంతోపాటే కిట్ 3.5mm ప్లగ్తో మైక్రోఫోన్ వస్తుంది. దీన్ని వీడియో రికార్డ్ చేసేటప్పుడు స్మార్ట్ఫోన్కి కనెక్ట్ చేసుకోవచ్చు. చీకట్లో వ్లాగ్స్ తీసేవాళ్లకు వీలుగా ఉండేందుకు ఈ కిట్లో ఒక ఎల్ఈడీ లైట్ని కూడా ఇచ్చారు. ఇందులో మూడు AAA బ్యాటరీలు వేసుకుని వాడుకోవచ్చు.
ధర: 759 రూపాయలు
