జర్మనీలో ఘోర ప్రమాదం జరిగింది. మాగ్డేబర్గ్లోని క్రిస్మస్ మార్కెట్లో ఓ బీఎండబ్ల్యూ కారు బీభత్సం సృష్టించింది. అతివేగంగా వచ్చిన కారు ప్రజలపైకి దూసుకెళ్లింది. ఈ ఘటనలో ఐదుగురు మృతిచెందారు. ఇందులో ఓ చిన్నారి కూడా ఉన్నాడు. ఏడుగురు భారత సంతతి పౌరులు సహా 200 మందికిపైగా గాయపడ్డారు. శుక్రవారం రాత్రి ఈ ప్రమాదం చోటు చేసుకుంది. కారు దాదాపు 400 మీటర్లు దూసుకెళ్లినట్లు అధికారులు తెలిపారు.
నిర్లక్ష్యంగా కారు నడిపిన వ్యక్తి సౌదీ అరేబియాకు చెందిన తలేబ్ (50)గా గుర్తించారు. అతడు 20 ఏండ్లుగా జర్మనీలో ఉంటున్నాడు. బెర్న్బర్గ్లో మెడిసిన్ప్రాక్టీస్ చేస్తున్నాడు. బీఎండబ్ల్యూ కారును అద్దెకు తీసుకొని నడిపినట్టు గుర్తించిన పోలీసులు.. అతడిని అరెస్ట్ చేశారు. కాగా, తలేబ్ ఇస్లాంకు వ్యతిరేకంగా నిత్యం ఎక్స్ (ట్విట్టర్) ద్వారా ప్రచారం చేస్తున్నట్టు పోలీసులు తేల్చారు. అలాగే, అతడు ఇటీవల తీవ్రవాద, వలస వ్యతిరేక ఆల్టర్నేటివ్ఫర్ జర్మనీ (ఏఎఫ్డీ) పార్టీకి మద్దతు పలికినట్టు గుర్తించారు. క్రిస్మస్ మార్కెట్లోకి కావాలనే కారుతో దూసుకొచ్చాడా? లేక ప్రమాదవశాత్తు ఈ ఘటన జరిగిందా? అనే కోణంలో విచారణ జరుపుతున్నట్లు పోలీసులు తెలిపారు.
