- పరారీలో ఇద్దరు వ్యక్తులు..ఐదుగురు అరెస్టు
- రెండు కమిషనరేట్లలో ఈ ముఠాపై 30 కేసులు
గచ్చిబౌలి, వెలుగు: రద్దీ ప్రదేశాలు, బస్సులు, ఆటోలు, రైళ్లలో ప్రయాణికులను టార్గెట్ చేసుకొని బంగారం, విలువైన వస్తువులు చోరీ చేస్తున్న ఐదుగురు వ్యక్తులను ఆర్సీపురం పోలీసులు, మాదాపూర్ సీసీఎస్ పోలీసులతో కలిసి అరెస్ట్ చేశారు. ఆదివారం గచ్చిబౌలిలో మాదాపూర్ డీసీపీ వినీత్తెలిపిన వివరాల ప్రకారం.. బీహెచ్‌ఈఎల్ టౌన్షిప్కు చెందిన అనిశెట్టి శ్రీనివాస్రావు ఈ నెల 25న సాయంత్రం 3.30 గంటల సమయంలో బాలానగర్‌‌కు వెళ్లేందుకు కానుకుంట వద్ద ఉన్న సీఎంఆర్షాపింగ్ మాల్ వద్ద సికింద్రాబాద్ బస్ ఎక్కాడు.
ఈ సమయంలో గుర్తు తెలియని వ్యక్తి శ్రీనివాస్రావు మెడలో ఉన్న 1.7 తులాల బంగారు గొలుసును వెనక నుంచి లాక్కెళ్లాడు. శ్రీనివాస్ రావు వెంటనే ఆర్సీపురం పోలీసులకు ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు చేపట్టారు. ఈ నెల 30న రాత్రి 8 గంటలకు ఆర్సీపురంలోని డైమండ్ పాయింట్ వద్ద అనుమానాస్పదంగా సంచరిస్తున్న మల్లెపల్లి మంగర్ బస్తీకి చెందిన షూ పాలిష్ చేసే బోలేనాథ్, ఆటో డ్రైవర్ అబ్దుల్ మన్నన్, ఆసిఫ్ నగర్‌‌కు చెందిన ఆటో డ్రైవర్మహమ్మద్ఖదీర్, మల్లెపల్లి అఫ్జల్సాగర్కు చెందిన లేబర్ సికందర్, నాంపల్లి అఫ్జల్నగర్‌‌కు చెందిన ఆటో డ్రైవర్ సునీల్‌లను అదుపులోకి తీసుకొని విచారించారు.
ఈ నెల 25న బస్సులో ఓ వ్యక్తి బంగారు గొలుసు చోరీ చేసింది తామేనని ఒప్పుకున్నారు. దీంతో పోలీసులు ఐదుగురిని అరెస్ట్ చేశారు. ఈ గ్యాంగ్‌కు చెందిన మరో ఇద్దరు నిందితులు మల్లెపల్లి అఫ్జల్నగర్‌‌కు సికందర్, మక్కన్ కసబ్లు పరారీలో ఉన్నట్లు పోలీసులు తెలిపారు. వీరిందరూ కలిసి హైదరాబాద్, సైబరాబాద్ కమిషనరేట్ పరిధిలో మొత్తం 30 కేసుల్లో నిందితులుగా ఉన్నారు. ఈ ముఠాపై ఆర్సీపురం పోలీస్ స్టేషన్లో 3 కేసులు, మియాపూర్లో 9 కేసులు, రాయదుర్గంలో 5 కేసులు, హుమాయూన్నగర్లో 4 కేసులు, చందానగర్లో 3 కేసులు, కేపిహెచ్బీలో2 కేసులు, ఫిల్మ్నగర్లో 2కేసులు, మాదాపూర్ ఒకటి, బంజారాహిల్స్లో ఒక కేసు నమోదైంది.
