ఖమ్మం, వెలుగు: ప్రముఖ సాఫ్ట్వేర్ సంస్థ ఇన్ఫోసిస్ కంపెనీ కి తమ కళాశాలకు చెందిన ఐదుగురు విద్యార్థినులు ఎంపికైనట్లు ఎస్బీఐటీ కళాశాల చైర్మన్ గుండాల కృష్ణ తెలిపారు. గత వారం హైదరాబాద్లో నిర్వహించిన రాష్ట్రస్థాయి క్యాంపస్ పూల్ డ్రైవ్లో తమ విద్యార్థినులు అద్భుత ప్రతిభను కనబరచారని, జిల్లాలో అత్యధికంగా ఐదుగురు ఎంపికవ్వడం తమకు గర్వకారణమని కృష్ణ తెలిపారు. ఎంపికైన విద్యార్థులు ఆరు నెలల పాటు శిక్షణలో భాగంగా రూ.3.60 లక్షలు అందుకుంటారని, తర్వాత రూ. 9 లక్షల పైచిలుకు వార్షిక వేతనం పొందుతారని తెలిపారు.
