హైదరాబాద్, వెలుగు : ఈ–కామర్స్ కంపెనీ ఫ్లిప్కార్ట్, నేషనల్ కౌన్సిల్ ఆఫ్ ఎడ్యుకేషనల్ రీసెర్చ్ అండ్ ట్రైనింగ్ (ఎన్సీఈఆర్టీ)తో అవగాహన ఒప్పందం (ఎంఓయు) కుదుర్చుకుంది. ఈ భాగస్వామ్యం ద్వారా దేశ వ్యాప్తంగా ఎన్సీఈఆర్టీ పుస్తకాలు అంతటా అందుబాటులోకి వస్తాయి. టైర్, 2 టైర్ 3 నగరాల్లోని విద్యార్థులు ఫ్లిప్కార్ట్ ద్వారా పుస్తకాలను కొనుక్కోవచ్చు.
కేంద్రమంత్రులు ధర్మేంద్ర ప్రధాన్, జయంత్ చౌదరి, రజనీష్ కుమార్, ఫ్లిప్కార్ట్ అధికారుల సమక్షంలో సంతకం కార్యక్రమం ఢిల్లీలోని ఎన్సీఈఆర్టీ కార్యాలయంలో జరిగింది. ధర్మేంద్ర ప్రధాన్ మాట్లాడుతూ, ఫ్లిప్కార్ట్ తో అందరూ ఎన్సీఈఆర్టీ పుస్తకాలను సులువుగా కొనుక్కోవచ్చని అన్నారు.
