బెల్లంపల్లిరూరల్, వెలుగు : ప్రాణహితకు వరద మొదలు కావడంతో వేమనపల్లి మండలంలో రాకపోకలకు కష్టాలు మొదలయ్యాయి. జాజులపేట గ్రామానికి చెందిన గర్భిణీ దందెర భారతికి ఆగస్టు మొదటి వారంలో డెలివరీ తేదీని డాక్టర్లు నిర్ణయించారు. ముందు జాగ్రత్తగా ఆమెను చెన్నూర్ ప్రభుత్వాస్పత్రికి ఆటోలో వైద్య సిబ్బంది తరలిస్తుండగా
మార్గమధ్యలో సుంపుటం అట్టలొర్రే వంతెన వద్ద వరద పోటెత్తింది. దీంతో ఎస్సై శ్యామ్, వైద్య సిబ్బంది బాపు, శారద కలిసి కాలినడకన జాగ్రత్తగా గర్భిణీని వంతెన దాటించారు. అనంతరం అక్కడే ఉన్న అంబులెన్స్లో చెన్నూర్కు తరలించారు.
