చెన్నై/న్యూఢిల్లీ: ఎఫ్ఎంసీజీ కంపెనీ డాబర్ తమిళనాడులోని విల్లుపురం జిల్లాలో రూ.400 కోట్లతో తయారీ కర్మాగారాన్ని ఏర్పాటు చేయనున్నట్లు గురువారం తెలిపింది. రాష్ట్ర పరిశ్రమల శాఖ మంత్రి టిఆర్‌‌‌‌‌‌‌‌‌‌‌‌‌‌‌‌బి రాజా సమక్షంలో ఈ మేరకు గురువారం రాష్ట్ర ప్రభుత్వంతో అవగాహన ఒప్పందం (ఎంఓయూ)పై సంతకం చేసింది. మొదటి దశ పెట్టుబడి రూ. 135 కోట్లు ఉంటుంది.
ఐదేళ్లలో ఇది రూ. 400 కోట్లకు చేరుతుంది. ఈ కొత్త ప్లాంట్ వ్యాపారాన్ని మరింత పెంచుకోవడానికి సహాయపడుతుందని, ప్రస్తుతం తమ దేశీయ వ్యాపారంలో 18-–20 శాతం వాటా ఉంటుందని కంపెనీ తెలిపింది. ముఖ్యమంత్రి ఎమ్‌‌‌‌‌‌‌‌‌‌‌‌‌‌‌‌కే స్టాలిన్, పరిశ్రమల శాఖ మంత్రి టిఆర్‌‌‌‌‌‌‌‌‌‌‌‌‌‌‌‌బి రాజా, ముఖ్య కార్యదర్శి ఎన్ మురుగానందంతోపాటు డాబర్ మేనేజింగ్ డైరెక్టర్ విష్ణు, సీఈఓ మోహిత్ మల్హోత్రా ఈ కార్యక్రమంలో పాల్గొన్నారు. ప్లాంటు 250 మందికి పైగా ఉద్యోగావకాశాలు కల్పిస్తుందని డాబర్ తెలిపింది. ఇక్కడ తేనె, డాబర్ రెడ్ పేస్ట్, ఓడోనిల్ వంటి ఆయుర్వేద హెల్త్‌‌‌‌‌‌‌‌‌‌‌‌‌‌‌‌కేర్, పర్సనల్ కేర్ హోమ్ కేర్ ఉత్పత్తులను తయారు చేస్తారు.
